1 Juan 2:19 - Tachi Ak'õre Pedea

¹⁹ Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

1 Juan 2:19 ပူးပေါင်းရင်းမြစ်များ

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Hecho 15:24

Taipa ũrisidama waapẽarã ẽpẽerã nãmãɨpa mãramá wãnak'ari ãchia jaratea p'anɨ k'orea mãra sõk'achia p'aneenak'ari k'awa k'ɨ̃risiadawẽa p'aneesidama. Maamina mãɨ ẽpẽerãt'a taipa peedaé pasima.

Hecho 20:30

Ara machidepemarã pida sea jarateadaipɨ Jesude ĩjãapataɨrã ãyá wãnamẽrá.

Romano 9:6

Mɨa jarawẽa bɨma Tachi Ak'õrepa chi israel ĩjũanepemarã pae ooyade adat'a oowẽa bɨ. Mãɨpari mɨa jara bɨma ãarea Israeldepa chedaadarã Tachi Ak'õre k'ĩrari piarã Israeldepemawẽpɨ.

1 Corintio 11:19

Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

2 Timoteo 3:9

Maamina ãchia oo p'anɨ pia baiwẽma. Jõmãɨrãpa ãchi k'ɨ̃risiawẽa be ãarea k'awadaipɨ Moisé ewaride Jane mãɨnepa Jambre mãɨyanana jĩra.

Hebreo 10:39

Chi eda waapẽarãpa Tachi Ak'õrene ĩjãa p'anɨ itu bɨdak'ari ãchi atuadaipɨ. Maamina tachi mãɨ ẽpẽerã jĩra p'anɨwẽma, mãɨpari Tachi Ak'õrene ĩjãa p'anɨnepa ewaricha chok'ae p'ananaipɨ.

2 Juan 1:7

Chi seapataɨrã nãɨ ĩjũane minachia p'anɨma. Ãchia ĩjãanak'ama Jesucristo nãɨ k'ak'uade tachi jĩra chesit'a. Chi mãɨya bɨpa waapẽarã seaparima mãɨnepa Cristo nek'ĩramaapɨ.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.

Juda 1:19

Mãɨrãpa ũpẽarã ãchi k'ak'awá awara paneepipatama, ãchia ne wawaria k'ɨ̃riautat'a oopatama, mãɨnepa Tachi Ak'õre Jaore uru p'anɨwẽma.