1 Juan 2:17 - Tachi Ak'õre Pedea

¹⁷ Nãɨ ĩjũa nemietá mãɨnepa jõma nemietá ẽpẽrarãpa oo k'ɨ̃ria p'anɨt'a jõipɨ. Maamina chi Tachi Ak'õrepa jara bɨ oo bɨt'a ewaricha ichi ome chok'ae baipɨ.

1 Juan 2:17 ပူးပေါင်းရင်းမြစ်များ

Mateo 21:31

Mãɨ mãramá ¿chi sãɨ warrapa chi ak'õrepa k'ɨ̃ria bada oosima? Ãchia p'anoosidama: —Chi naapemapa. Mãɨne Jesupa ãchiá jarasima: —Ãjã. Maamina piarã mɨa jararuma: Romanepema pae erreara jɨrɨp'epataɨrã mãɨnepa wẽra k'achia berã mãra k'aepẽra Tachi Ak'õre ichidirã ichi juade ua baparidea wãnaipɨ.

Mateo 24:35

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Mateo 7:21

»Ẽpẽrarãpa mɨ ãchi chipariade apatamina jõmãɨrã ãarea Tachi Ak'õre juade ua bɨde p'ananaiwẽma. Abapuru mɨ Ak'õre pajãne bɨpa k'ɨ̃ria bɨ oo berãt'a ichi p'uurude p'ananaipɨ.

Marco 3:35

Chi Tachi Ak'õrepa k'ɨ̃ria bɨ oo bet'a, mãɨt'u mɨ ũpẽapɨ, mɨ ũpẽawẽrapɨ, mãɨnepa mɨ naepɨ.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 6:58

Mɨ p'ana ɨt'aripa cheda chi piarãpɨ. Mãra chõarãenapemarãpa maná k'opachidamina ãarea piusidama. Maamina mɨ maná jĩra bɨwẽma. Chi nãɨ p'ana k'o bɨ ewaricha chok'ae baipɨ.

Juan 7:17

Chi Tachi Ak'õrepa k'ɨ̃ria bɨt'a ooi k'orea bɨpa k'awaipɨ chi mɨa jaratea bɨt'a Tachi Ak'õrenepa cherut'a wa mɨa mɨchi k'ɨ̃risiadepa jaratea bɨt'a.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

1 Corintio 7:31

Chi nãɨ ĩjũane tachia unu p'anɨ ãarea jõpodo pẽra chi ne pará bepa chi nenea bɨ jĩra k'ɨ̃risia p'ananai p'anɨma.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

1 Tesalonicense 4:3

Tachi Ak'õrepa k'ɨ̃ria bɨma mãra ichi pae pia p'ananamẽrá. Mãɨpuru mãra k'ak'uapa nemietá ooyá bɨ oorãt'ɨ.

1 Tesalonicense 5:18

Nejõma k'orea Tachi Ak'õrea sõpia p'anɨane a p'anat'ɨ. Mãɨt'a Tachi Ak'õrepa k'ɨ̃ria bɨma, mãra Jesucristode ĩjãapataɨrã pẽra.

Hebreo 10:36

Mãrapa ãarea choadai p'anɨma. Mãɨya chi Tachi Ak'õrepa k'ɨ̃ria bɨt'a oodak'ari ichia teai jarada ãarea jitadaipɨ.

Santiago 4:14

Maamina mãrapa atua p'anɨma nũpema ewaride k'ãre baei. ¿Mãrapa k'awa p'anɨk'ãra nũpema ewaride chok'ae p'ananait'a? Atua p'anɨma. Mãra jɨ̃ara t'aua jĩra p'anɨma. Jɨ̃ara t'aua pak'ari isapea wẽpapari jĩra mãra sida tãaraa p'ananaiwẽma.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

1 Pedro 4:2

Mãɨ ẽpẽrapa wapida nãɨ ĩjũane bɨde nãɨ k'ak'uapa nemietá oo k'ɨ̃ria bɨt'a oo baiwẽma, mãɨpari Tachi Ak'õrepa k'ɨ̃ria bɨt'a oo baipɨ.