1 Juan 2:15 - Tachi Ak'õre Pedea

¹⁵ Chi nãɨ ĩjũanepema k'ɨ̃risia mãɨnepa nejõma nãɨ ĩjũanepema nemietá k'ɨ̃riarãt'ɨ. Chi nãɨ ĩjũanepema nemietá k'ɨ̃ria bɨpa Tachi Pajãnepema Ak'õre k'ɨ̃riawẽa bɨma.

1 Juan 2:15 ပူးပေါင်းရင်းမြစ်များ

Mateo 4:8

Mãɨya bak'ari tiorepa Jesú eya ɨt'ɨ bɨdea ateewãsima. Mãmãɨpa Jesua jõma nãɨ ĩjũane be p'uuru mãɨnepa p'uurucha ne auk'ará k'ede ak'ɨpisima.

Mateo 6:24

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Luca 16:13

»Te chipari pae pari mimiaparí abaɨ pida p'ue mimia baiwẽma chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma».

Juan 15:19

Nãɨ ĩjũanepema padapara ãchia mãra k'ɨ̃rianai pasima, ãchidepema pẽra. Maamina mɨa mãra nãɨ ĩjũanepema ateewãsima ãchi awara p'ananamẽrá. Mãɨpuru mãra unuemaapatama.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Gálata 1:10

Mãɨya jara bɨdepa mɨa jɨrɨwẽa bɨma ẽpẽrarãpa mɨ pia ununait'a, mãɨpari k'ɨ̃ria bɨma Tachi Ak'õrepuru mɨ pia unuit'a. Cristode ĩjãai naena mɨa jɨrɨ bapachima ẽpẽrarãpa mɨ pia ununait'a. Wapida mãɨya oo bɨpara, mɨ Cristo pae pari mimiaparí paiwẽ pasima.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

1 Timoteo 6:10

Erreara awaa bɨdeepuru ne k'achia unuparima. Ara mãɨ awaa p'anɨnepa waapẽarãpa Cristode ĩjãa p'anana itu bɨsidama. Mãɨya ãchi minachia mĩa p'aneesidama.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

1 Juan 3:17

Chi nãɨ ĩjũane ne uru bɨpa chi nenea bɨ ũpẽa unu bɨt'a k'aripaepɨra, ¿Tachi Ak'õrepa k'ɨ̃ria bɨ jĩra ichi sõne mãɨya bɨk'ãra? Mãɨyawẽma.

1 Juan 4:5

Mãɨrã nãɨ ĩjũa nemietaadepemarãpɨ. Mãɨpuru nãɨ ĩjũanepema k'ɨ̃risia jarateapatama mãɨnepa ãchia jaratea p'anɨ nãɨ ĩjũane Tachi Ak'õrene ĩjãanak'a berãpa ĩjãapatama.

1 Juan 5:10

Chi Tachi Ak'õre Warrade ĩjãa bɨpa ichi sõne k'awa bɨma Tachi Ak'õrepa jara bɨ piarãt'a. Maamina chi Tachi Ak'õrepa jara bɨt'a ĩjãawẽa bɨpa Tachi Ak'õrepa sea jara bɨade a k'ɨ̃risia bɨma, ichi Warra k'orea jara bɨt'a ĩjãawẽa bɨ pẽra.