1 Juan 2:11 - Tachi Ak'õre Pedea

¹¹ Maamina chi ichi ũpẽa unuemaa uru bɨ p'ãrione bɨma. P'ãrione nipapari pẽra atua bɨma sãmá wãit'a, mãɨ p'ãriopa ichi tau p'ãrio uru bɨ pẽra.

1 Juan 2:11 ပူးပေါင်းရင်းမြစ်များ

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Juan 12:40

«Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

2 Corintio 3:14

Maamina ãchia mãɨ k'awadaé pasima. Idiapae pida Moisepa bɨda ak'ɨutade judiorãpa k'awadak'ama. Ãchi k'ɨ̃risiat'a wapida neet'apa mẽra pɨra uru p'anɨ jĩra bɨma aba Cristodeepuru mãɨ wẽai bɨ pẽra.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Tito 3:3

Piarã naena tachi sida k'ɨ̃risia piawẽa p'anasidama, Tachi Ak'õrene ĩjãanawẽa p'anasidama mãɨnepa piawẽa k'ɨ̃risia p'anasidama. Tachia nemietá oo k'ɨ̃ria berã mãɨnepa arapá oo k'ɨ̃ria berã, chipari pae pari mimiaparí jĩra jõma oopachidama. Paritua k'achiade nipapachidama, chĩarapa uru bɨ k'orea sõpiawẽa p'anapachidama, chĩarapa tachi unuemaapachidama, mãɨnepa tachia chĩara unuemaapachidama.

2 Pedro 1:9

Maamina chi mãɨya oowẽa bɨt'a tau t'aua bɨ jĩra bɨma wa tau p'ãrio bɨ jĩra bɨma. Ichia k'ɨ̃risia atuasima chi naena nemietá oo bada Tachi Ak'õrepa jõma sɨɨsit'a.

1 Juan 1:6

Ichi ome ará pia p'anɨane a p'anɨpɨra, maamina p'ãrione nipadaipɨra, sea p'anɨma. Piarã pedea ĩjãanawẽa p'anɨma.

1 Juan 2:10

Chi ichi ũpẽa k'ɨ̃ria bɨt'a ɨnaane bɨma mãɨnepa nemietaade baepik'ama.

1 Juan 2:9

Abapa ɨnaane bɨade aipɨra, maamina ichi ũpẽa unuemaa uru baipɨra, mãɨ wapida p'ãrione bɨma.

1 Juan 3:15

Chi ichi ũpẽa unuemaa bɨ Tachi Ak'õre k'ĩrari mĩa peaparipɨ. Mãrapa k'awa p'anɨma chi mĩa peaparí ewaricha Tachi Ak'õre ome chok'ae baiwẽt'a.

1 Juan 4:20

Abaɨpa Tachi Ak'õre k'ɨ̃ria bɨade a bɨpɨra, mãɨne ichi ũpẽa unuemaa bɨpɨra, ichia sea jara bɨma. Ichi ũpẽa unu bɨt'a k'ɨ̃riawẽa bɨpɨra, ¿sãmaasã́ Tachi Ak'õre unuwẽa bɨt'a k'ɨ̃ria baima?

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.