1 Corintio 9:20 - Tachi Ak'õre Pedea

²⁰ Mɨ judiorã t'ãena bɨde judiorã jĩra baparima mɨnepa Jesucristode ĩjãanamẽrá. Chi Moisepa bɨda ũripataɨrã t'ãena bɨde mɨ mãɨ bɨdadepa bak'amina, mãɨya bɨ jĩra baparima ãchia mɨnepa Jesucristode ĩjãanamẽrá.

1 Corintio 9:20 ပူးပေါင်းရင်းမြစ်များ

Hecho 16:3

Mãɨne Pablopa Timoteo ateewã k'ɨ̃ria basima. Maamina ãareaɨrãpa k'awa p'anasidama Timoteo ak'õre griego pasit'a. Mãɨpuru Pablopa Timoteo k'ak'ua tauchaasima judiorã mãɨ tuade berãpa ichi k'orea piawẽa k'ɨ̃risiapidaemaapa. Maapae wãsidama.

Gálata 5:18

Maamina Tachi Ak'õre Jaorepa mãra uru nipaipɨra, Moisepa bɨdade p'anɨwẽma.

Gálata 4:21

Chi Moisepa bɨda juade p'ananai k'ɨ̃ria p'anɨrãpa mɨá p'anoot'ɨ: ¿Moisepa bɨdade bɨ bɨ atua p'anɨk'ãra?

Gálata 4:5

Tachi Ak'õrepa ichi peesima tachi mãɨ Moisepa bɨda juade beada k'aripak'ari ichi warrarã bɨi k'orea.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Hecho 18:18

Pablo Corinto p'uurude tãaraa basima. Mãɨne chi ũpẽarã ará p'anɨrã́ wãyane asima. P'ãp'orrode batooi naena Pablo Cencrea p'uurude poro t'ɨɨpisima, Tachi Ak'õre pae ne ooyade ada mãɨ ãarea ooda pẽra. Maapaepuru Siria tuadea wãsima, Aquila chi k'ima Priscila ome.

Gálata 2:19

Naena mɨ Moisepa bɨdadepa basima. Maamina mãɨ Moisepa bɨdadepema mɨ piusima. Mãɨya mɨ Tachi Ak'õre pae chok'ae beesima.