1 Corintio 8:9 - Tachi Ak'õre Pedea

⁹ Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.

1 Corintio 8:9 ပူးပေါင်းရင်းမြစ်များ

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

1 Corintio 10:24

Abaɨ pida ara ichi pia bai k'orea jɨrɨ baiwẽa bɨma, mãɨpari waapẽarã pia p'ananamẽrá jɨrɨ bai bɨma.

1 Corintio 10:28

Maamina abaɨpa «nãɨ ne k'iuru sãdoa teadaadade» aipɨra, mãɨ k'orãt'ɨ, chi mãɨya jaradapa mãɨ pia bɨwẽane a k'ɨ̃risiaipẽra.

1 Corintio 10:29

Mɨa mãɨya jarawẽa bɨma, mãrapa mãɨ chik'o k'odaiwẽa p'anɨt'a. Maawẽapuru mɨa jara bɨma chi abaɨpuru mãɨya k'ɨ̃risia bɨt'a. Abaɨpa nãɨya k'ɨ̃risiaipɨ: Mɨa oo k'ɨ̃ria bɨt'a oorude abaɨpa piawẽa bɨade a k'ɨ̃risiaipɨra, ¿mãɨya p'ue ooi bɨk'ãra?

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 8:10

Pɨ juapa oodada sãdo tede eda nek'o suak'abari beeipɨra, mãɨne chi nejõma k'oi bɨ atua bɨpa pɨ mãma suak'abari bɨ unuipɨra, ichia pida juapa oodada sãdoa k'iuru teada k'oi k'ɨ̃risiaipɨ. Maamina chi juapa oodada sãdoa ɨt'aa idiru k'ɨ̃risia bɨ pẽra ichimá mãɨ nemietá oo bɨma.

1 Corintio 8:12

Mãrapa mãɨ atua be ũpẽarã k'achiade baepiutade Cristot'a nemietá oo p'anɨma.

1 Corintio 9:22

Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.

2 Corintio 11:29

Aba k'ɨdade beeipɨra, mɨ sida k'ɨdade bee jĩra baparima. Abaɨpa waapẽarã ũpẽa nepɨrade baepiipɨra, mɨ mãɨ ẽpẽra ome k'ĩruuparima.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

Gálata 5:13

Ũpẽarã, Tachi Ak'õrepa mãra t'ɨ̃sima ãjã́ pari p'ananamẽrá. Maamina k'aripada pẽra k'ɨ̃risiarãt'ɨ mãra k'ak'uapa k'ɨ̃ria bɨ jĩra oodai p'anɨt'a. Mãɨpari piarã k'ɨ̃ria p'anɨnepa chi k'aripat'ɨ.

Colosense 2:8

Jĩrak'aua p'anat'ɨ mi abaɨa pida mãra seapidaemaapa chi pari k'ɨ̃risiapiparidepa mãɨnepa seaparí k'ɨ̃risiadepa. Jõma makɨɨ chõarãenapema k'ɨ̃risiat'a jaore chaarearã nãɨ ĩjũanepemapɨ. Mãɨ pedea Cristo k'oreawẽpɨ.

1 Pedro 2:16

Mãra jɨ̃ uru p'anana jĩra bɨdepema Cristopa k'ẽet'aasi pẽra, mãɨya nipat'ɨ. Maamina mãɨya ãjã́ pari p'anɨ pẽra k'ɨ̃risiarãt'ɨ nemietá oodai k'orea. Mãɨpari Tachi Ak'õre pae pari mimiapataɨrã jĩra p'anat'ɨ.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

Apocalipsi 2:14

Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.