1 Corintio 8:7 - Tachi Ak'õre Pedea

⁷ Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

1 Corintio 8:7 ပူးပေါင်းရင်းမြစ်များ

Hecho 15:20

Mãɨyawẽapuru, k'art'ade bɨdai p'anɨma chi juapa oodada sãdoa ne k'iuru teadada p'ue k'odaiwẽa p'anɨt'a, nemietá awaraɨ ome oodaiwẽa p'anɨt'a, ãnimara ojɨ̃ peadada k'odaiwẽa p'anɨt'a mãɨnepa oa k'odaiwẽa p'anɨt'a.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

1 Corintio 10:25

Ne k'iuru netopataɨmá netopataɨdepema ãarea k'odai p'anɨma. Maamina idirãt'ɨ mãɨ ne k'iuru chi sãdoa teadada pada k'awadai k'orea, mãɨ pia bɨwẽane a k'ɨ̃risia p'anɨ pẽra.

1 Corintio 8:1

Naapae mɨa jararuma chi juapa oodada sãdorã́ ne k'iuru paa teada k'orea. Mãrapa jarapatama ara mãɨnepa k'ɨ̃risia k'awa p'anɨane apatama. Maamina chi k'ɨ̃risia k'awapa tachi waapẽarã k'aepẽra atepe p'anɨ jĩra k'ɨ̃risiapiparima. Tachia waapẽarã k'ɨ̃ria p'anɨnepa, ãchi k'aripapatama.

1 Corintio 8:4

Mãɨpuru chi juapa oodada sãdorã́ k'iuru teada k'odai k'orea mɨa jararuma. Tachia k'awa p'anɨma chi juapa oodada sãdo piarãwẽt'a. Mãɨnepa k'awa p'anɨma Tachi Ak'õre piarã abapuru bɨt'a.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.