1 Corintio 8:10 - Tachi Ak'õre Pedea

¹⁰ Pɨ juapa oodada sãdo tede eda nek'o suak'abari beeipɨra, mãɨne chi nejõma k'oi bɨ atua bɨpa pɨ mãma suak'abari bɨ unuipɨra, ichia pida juapa oodada sãdoa k'iuru teada k'oi k'ɨ̃risiaipɨ. Maamina chi juapa oodada sãdoa ɨt'aa idiru k'ɨ̃risia bɨ pẽra ichimá mãɨ nemietá oo bɨma.

1 Corintio 8:10 ပူးပေါင်းရင်းမြစ်များ

Hecho 15:20

Mãɨyawẽapuru, k'art'ade bɨdai p'anɨma chi juapa oodada sãdoa ne k'iuru teadada p'ue k'odaiwẽa p'anɨt'a, nemietá awaraɨ ome oodaiwẽa p'anɨt'a, ãnimara ojɨ̃ peadada k'odaiwẽa p'anɨt'a mãɨnepa oa k'odaiwẽa p'anɨt'a.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Romano 14:23

Maamina chi «Nãɨ k'oiwẽa bɨade» a k'ɨ̃risia bɨpa mãɨ k'oipɨra, ichi sõne piawẽa beeipɨ, piawẽa oo bɨ k'ɨ̃risia bɨ pẽra. Piarã tachia oo bɨt'a jĩp'a bɨwẽane a k'ɨ̃risiadaipɨra, mãɨya ooutade, nemietá oo p'anɨma.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 8:4

Mãɨpuru chi juapa oodada sãdorã́ k'iuru teada k'odai k'orea mɨa jararuma. Tachia k'awa p'anɨma chi juapa oodada sãdo piarãwẽt'a. Mãɨnepa k'awa p'anɨma Tachi Ak'õre piarã abapuru bɨt'a.

1 Corintio 8:7

Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

1 Corintio 8:9

Piarã tachia k'o k'ɨ̃ria p'anɨt'a p'ue k'odai p'anɨma. Maamina jĩrak'aua p'anat'ɨ mãrapa ne paritua k'o p'anɨnepa machi ũpẽa pia atua bɨt'a k'achiade baepidaemaapa.