1 Corintio 8:1 - Tachi Ak'õre Pedea

¹ Naapae mɨa jararuma chi juapa oodada sãdorã́ ne k'iuru paa teada k'orea. Mãrapa jarapatama ara mãɨnepa k'ɨ̃risia k'awa p'anɨane apatama. Maamina chi k'ɨ̃risia k'awapa tachi waapẽarã k'aepẽra atepe p'anɨ jĩra k'ɨ̃risiapiparima. Tachia waapẽarã k'ɨ̃ria p'anɨnepa, ãchi k'aripapatama.

1 Corintio 8:1 ပူးပေါင်းရင်းမြစ်များ

Hecho 15:10

Mãrapa ¿k'ãre k'orea Tachi Ak'õrepa k'awapida itu bɨ p'anɨma? ¿Ichia sãmaasã́ ooi k'awai k'orea mãɨya p'anɨk'ãra? Tachia mãɨnepa tachi chõarãenapemarãpa Moisepa bɨda mãɨ ãarea p'ue oodak'a pasima, mũra ɨ̃rɨ minachia chɨk'ɨa at'oopari jĩra. ¿K'ãre k'orea chi judiorãwẽa mãɨ oopi k'ɨ̃ria p'anɨma?

Hecho 15:29

juapa oodada sãdo ne k'iuru paateada k'odaiwẽa p'anɨma mãɨnepa oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa nemietá awaraɨ ome oodaiwẽa p'anɨma. Ãarea mãɨ oosidara pia p'ananaipɨ. Pia p'anat'ɨ.

Hecho 21:25

Maamina judiorãwẽ Jesude ĩjãapataɨrãpa oodai p'anɨt'a taipa k'awa jaradak'ari k'art'ade bɨsidama: ãchia juapa oodada sãdoa teadada k'odaiwẽa p'anɨma, oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa awaraɨ ome nemietá oodaiwẽa p'anɨma.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 14:10

Mãɨpuru ¿k'ãre k'orea pɨ ũpẽa k'orea k'achia pedea bɨma? ¿K'ãre k'orea ichi k'ɨ̃riawẽa bɨma? Tachi ãarea Tachi Ak'õre k'ĩrari p'ananaipɨ tachicha oodada ak'ɨmẽrá.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Romano 14:22

Pɨa nejõma k'oi k'ɨ̃risia bɨpɨra, wa nejõma k'oiwẽ k'ɨ̃risia bɨpɨra, aba pɨapuru Tachi Ak'õre ome pɨ k'ɨ̃risiat'a k'awa bɨma. Piarã tachia oo p'anɨ k'orea tachi sõne piawẽa k'ɨ̃risiadaepɨra, minachia arapá p'ananaipɨ.

Romano 14:3

Maamina chi nejõma k'oparipa chi nejõma k'ok'apɨ́ itu bɨiwẽa bɨma. Mãɨnepa nejõma k'ok'apɨɨpa chi nejõma k'oparí k'achia pedeaiwẽa bɨma, umea Tachi Ak'õrepa jɨrɨ atada pẽra.

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

1 Corintio 1:5

Jesucristo ome p'anɨ pẽra Tachi Ak'õrepa mãrá jõma teasima pia oodamẽrá. Ichi pedea p'ue k'awa jaratea p'ananaipɨ mãɨnepa ichi k'orea p'ue minachia k'awa p'ananaipɨ.

1 Corintio 10:15

Mɨa mãrá pedearuma k'ɨ̃risia k'awa berã́ pedearu jĩra. Minachia k'ɨ̃risiat'ɨ mɨa jara bɨt'a piarã wa sea k'awadai k'orea.

1 Corintio 10:28

Maamina abaɨpa «nãɨ ne k'iuru sãdoa teadaadade» aipɨra, mãɨ k'orãt'ɨ, chi mãɨya jaradapa mãɨ pia bɨwẽane a k'ɨ̃risiaipẽra.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 4:10

Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

1 Corintio 4:18

Waapẽarã mãranepema chi atepe k'awa p'anɨrã jĩra nipadai p'anɨma, k'ɨ̃risia p'anɨ pẽra mɨ mãramá wãiwẽt'a.

1 Corintio 4:6

Ũpẽarã, mɨ k'orea mãɨnepa Apolo k'orea bɨsima mãra k'aripai k'orea. Tai k'orea k'awadai p'anɨma Tachi Ak'õre pedeade bɨ bɨ awara k'ɨ̃risiapidaemaapa. Mãɨya mãrapa abaɨ waapẽarã k'aepẽra atepe pia bɨ k'ɨ̃risiadaiwẽma.

1 Corintio 5:2

Maamina ¡mãrapa wapida k'ɨ̃risia p'anɨma waapẽarã k'aepẽra piipará berãpɨ! ¿Mãɨ ẽpẽrapa nemietá ooda k'orea minachia sõp'ua p'aneenaiwẽk'ãra? ¿Mãɨ mãranepema ãyá bɨdai p'anasidawẽk'ãra?

1 Corintio 5:6

Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.

1 Corintio 8:2

Abaɨpa minachia k'awa bɨ k'ɨ̃risia bɨpɨra, waidi pia atua bɨma ichia k'awai bɨ jĩra.

1 Corintio 8:4

Mãɨpuru chi juapa oodada sãdorã́ k'iuru teada k'odai k'orea mɨa jararuma. Tachia k'awa p'anɨma chi juapa oodada sãdo piarãwẽt'a. Mãɨnepa k'awa p'anɨma Tachi Ak'õre piarã abapuru bɨt'a.

1 Corintio 8:7

Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

Ep'esio 4:16

Ichidepa jõma tachi ichi k'ak'uapɨ. Ará ãpua p'anɨma chi k'aripadai k'orea. Tachicha oodai p'anɨ jĩra ooutade jõmãɨrã k'ɨ̃rianepa pia waripododaipɨ.

Colosense 2:18

Mãɨ k'orea abaɨ pida mãrapa nepia pajãne atadaiwẽane adaipɨra, ĩjãarãt'ɨ. Chi mãɨya pedeapataɨrã sea nipapatama waapẽarã k'aepẽra k'aepe be jĩra. Ãchia Tachi Ak'õrepa ɨt'aripa peedaɨrã minachia k'ɨ̃riapatama. K'ãmok'araa jĩra ununana minachia jarateapatama. Tachi k'ak'uapa ne piawẽa ooyá bɨdepa ẽpẽra minachia k'awa bɨ jĩra paritua k'ɨ̃risiapatama.

Apocalipsi 2:14

Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.

Apocalipsi 2:20

Maamina mɨa mãra k'orea ne ãpia jarai bɨma. Chi wẽra Jezabel apataɨpa sea jaratea bɨt'a mãrapa mãɨa itu jarateapi p'anɨma. Ara ichia Tachi Ak'õre pari pedeapariade aparima. Maamina ichia jaratea bɨdepa chi mɨ pae pari mimiapataɨrã seaparima k'ak'uadepa nemietaade nipadamẽrá mãɨnepa ne k'iuru juapa oodada sãdorã́ teada k'odamẽrá.