1 Corintio 7:5 - Tachi Ak'õre Pedea

⁵ Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

1 Corintio 7:5 ပူးပေါင်းရင်းမြစ်များ

Mateo 17:21

Maamina jaore mietá nãɨ jĩra be ãyá jeret'aadai k'orea Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma.

Mateo 19:11

Mãɨpuru Jesupa jarasima: —Jõmãɨrã ãarea p'ue tuu p'aneenaiwẽma. Abapuru Tachi Ak'õrepa mãɨ k'ɨ̃risia teaipɨra, p'ue tuu baipɨ.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

1 Corintio 7:4

Wẽra ara ichi k'ak'ua chi chipariwẽma, mãɨpari chi k'imat'u chi chiparipɨ. Ara mãɨ jĩra ɨmɨk'ĩra ara ichi k'ak'ua chi chipariwẽma, mãɨpari ichi k'imat'u chi chiparipɨ.

1 Tesalonicense 3:5

Mãɨ k'orea mɨa waa p'ue choawẽ pẽra Timoteo mãramá peesima wapida Cristode ĩjãa p'anɨ k'awai k'orea. Mɨa k'ɨ̃risia basima tiorepa mãrá Cristo itu bɨpisit'a. Mãɨyanapara taipa mãrá Cristo k'orea jarateadada pari beei pasima.