1 Corintio 7:34 - Tachi Ak'õre Pedea

³⁴ Mãɨya chi k'ima pará bɨpa k'ɨ̃risia ume uru baparima. Ara mãɨ jĩra chi wẽra k'ima uru bɨpa nãɨ ĩjũane ichi k'ima pia uru bai minachia k'ɨ̃risia baparima. Ichi k'ima arapaapii k'ɨ̃ria bɨma. Maamina chi wẽra k'ima nea bɨpa Tachi Chipari k'orea minachia k'ɨ̃risia baparima. Nãɨ k'ak'uade mãɨnepa jaorede Ichi pae pia ba k'ɨ̃ria bɨma.

1 Corintio 7:34 ပူးပေါင်းရင်းမြစ်များ

Juan 10:13

Mãɨ ẽpẽra mĩruwãparima abapuru erreara k'oreapuru oveja ak'ɨpari pẽra. Ichia k'ɨ̃risiak'ama oveja pia p'ananamẽrá.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

1 Corintio 6:20

Tachi Ak'õrepa mãra atasima. Tachi Ak'õrené pẽra mãra k'ak'uade mãɨnepa jaorede k'ĩra jĩp'a p'anat'ɨ.

1 Corintio 7:33

Maamina chi ɨmɨk'ĩra k'ima uru bɨpa nãɨ ĩjũane ichi k'ima pia uru bai minachia k'ɨ̃risia baparima. Ichi k'ima arapaapii k'ɨ̃ria bɨma.

1 Corintio 7:35

Mãɨ mɨa jarawẽa bɨma mãrapa k'ɨ̃ria p'anɨ jĩra p'anapidaemaapa mãɨpari pia p'ananamẽrá. Mɨa k'ɨ̃ria bɨma mãra k'ĩra jĩp'a p'ananait'a mãɨnepa jõma mãra sõnepa Tachi Chiparipa k'ɨ̃ria bɨ oodait'a.

2 Corintio 11:28

Mãɨ awara ewaricha jõma ũpẽarã tuachapema k'orea mɨa minachia k'ɨ̃risia baparima.

2 Corintio 8:16

Mɨa Tachi Ak'õrea sõpia bɨade aparima. Ichia ũpẽa Tito sõne bɨsima mãra k'ɨ̃ria bamẽrá mɨa mãra k'ɨ̃ria bɨ jĩra.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

1 Timoteo 3:5

Ara ichi tedepemarã ak'ɨi atua bɨpɨra, ¿sãmaasã́ ẽpẽrarã Tachi Ak'õrenepemarã pia ak'ɨima?

1 Timoteo 5:5

P'ẽtã́ piarã ichi tuaba k'ɨrɨpa Tachi Ak'õret'u nɨparima. Ãst'á mãɨnepa teamasi Tachi Ak'õrea ɨt'aa chiidi baparima k'aripamẽrá.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.