1 Corintio 7:31 - Tachi Ak'õre Pedea

³¹ Chi nãɨ ĩjũane tachia unu p'anɨ ãarea jõpodo pẽra chi ne pará bepa chi nenea bɨ jĩra k'ɨ̃risia p'ananai p'anɨma.

1 Corintio 7:31 ပူးပေါင်းရင်းမြစ်များ

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

1 Corintio 7:30

Ara mãɨ jĩra chi ũpẽarã sõp'ua berã sõp'uawẽa bɨ jĩra p'ananai p'anɨma. Chi arapá berã arapaawẽa bɨ jĩra p'ananai p'anɨma. Chi ne atadapa ichia atada ewaricha uru bai k'ɨ̃risia baiwẽa bɨma.

1 Corintio 9:18

Mãɨyara ¿mɨa jaratea bɨ k'orea, k'ãre jitaima? Ne jitaiwẽma. Sõ arapá bɨma chi pedea pia Cristo k'orea pari jaratea bɨ pẽra. Mɨa jaratea bɨ k'orea ne jitai bɨmina, ne idik'ama.

Hebreo 12:27

Mãicha orepiyade aside Tachi Ak'õrepa k'awapisima ne ãarea ichia ook'oadat'a orek'ari jõpiit'a. Mãɨne abapuru chi ne jõk'apɨɨt'a beeipɨ.

Santiago 4:14

Maamina mãrapa atua p'anɨma nũpema ewaride k'ãre baei. ¿Mãrapa k'awa p'anɨk'ãra nũpema ewaride chok'ae p'ananait'a? Atua p'anɨma. Mãra jɨ̃ara t'aua jĩra p'anɨma. Jɨ̃ara t'aua pak'ari isapea wẽpapari jĩra mãra sida tãaraa p'ananaiwẽma.

1 Pedro 1:24

Tachi Ak'õre pedeade nãɨya bɨ bɨma: «Jõmãɨrã sirua jĩra bepɨ. Ãchi k'ĩrawãrea nep'ono jĩra bɨma. Sirua p'urpak'ari chi nep'ono baeparima.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Juan 2:17

Nãɨ ĩjũa nemietá mãɨnepa jõma nemietá ẽpẽrarãpa oo k'ɨ̃ria p'anɨt'a jõipɨ. Maamina chi Tachi Ak'õrepa jara bɨ oo bɨt'a ewaricha ichi ome chok'ae baipɨ.