1 Corintio 7:30 - Tachi Ak'õre Pedea

³⁰ Ara mãɨ jĩra chi ũpẽarã sõp'ua berã sõp'uawẽa bɨ jĩra p'ananai p'anɨma. Chi arapá berã arapaawẽa bɨ jĩra p'ananai p'anɨma. Chi ne atadapa ichia atada ewaricha uru bai k'ɨ̃risia baiwẽa bɨma.

1 Corintio 7:30 ပူးပေါင်းရင်းမြစ်များ

Luca 16:25

Maamina Abrahanpa p'anoosima: “P'ue peeiwẽma. Warra, k'ɨ̃risiase pɨ pia bapachima chok'ae basieda; mãɨpari Lázaro chupuria bapachima. Idi Lázaro ne k'ɨ̃risiawẽa bɨma, mãɨne pɨ minachia mĩa bɨma.

Luca 6:21

Pia p'anɨma mãra chi jarrapisia berã Tachi Ak'õrepa jãwaapii pẽra. Pia p'anɨma mãra chi sõp'uapa jẽa berã, Tachi Ak'õrepa arapaapii pẽra.

Luca 6:25

Chupuri p'aneenaipɨ chi jãwaa berã, jarrapisia p'aneenai pẽra. Chupuri p'aneenaipɨ ara nãɨena ee p'anɨrã nãɨya bak'ari jẽanai pẽra mãɨnepa k'ɨ̃risia pará p'ananai pẽra.

Juan 16:22

Ara mãɨ jĩra mãra ara nãɨena k'ĩra piawẽa p'anɨma, maamina mɨ mãicha mãra ak'ɨde cheipɨ. Maapae mãra arapá p'ananaipɨ. Abaɨ pida mãɨ arapá p'ue wẽpapiiwẽma.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

1 Corintio 7:31

Chi nãɨ ĩjũane tachia unu p'anɨ ãarea jõpodo pẽra chi ne pará bepa chi nenea bɨ jĩra k'ɨ̃risia p'ananai p'anɨma.

Apocalipsi 18:7

Jãɨ p'uuru minachia mĩapit'ɨ mãɨnepa minachia sõk'achia beepit'ɨ, ãchi p'uuru chi minachia bɨade a p'anɨ pẽra mãɨnepa nepia uru p'anɨane a p'anɨ pẽra. Jãɨ p'uurupa nãɨya k'ɨ̃risia bɨma: “Mɨ chi atepe minachia k'awa bɨ wẽra, chi suak'a beeparí auk'ará bide suak'abari bɨ jĩra bɨma. Mɨ p'ẽtã́ jĩra bɨwẽma. Mɨ sõk'achia baiwẽma”.

Apocalipsi 7:17

Chi suak'a beeparí auk'ará bɨde Oveja Chak'epa ãchi ak'ɨ baipɨ. Ãchi ateewãipɨ chi pania tachi chok'ae bapiparí t'ɨ nɨbɨmá mãɨ todamẽrá. Mãɨ ewaride Tachi Ak'õrepa ãchi tauba ãarea p'oapiipɨ.