1 Corintio 7:17 - Tachi Ak'õre Pedea

^17-18 Tachi Ak'õrepa tachi t'ɨ̃side ara tachi p'anana jĩra p'ananai p'anɨma. K'ak'ua tauchaa basira ara mãɨya bai bɨma. K'ak'ua tauchaawẽa basira ara mãɨya bai bɨma. Tachicha p'ananai p'anɨma Tachi Chiparipa bɨda jĩra. Mɨa ẽpẽrarã Tachi Ak'õrenepemarã becha mãɨya jaratea bɨma.

1 Corintio 7:17 ပူးပေါင်းရင်းမြစ်များ

Mateo 19:12

Chi eda waapẽarã ɨmɨk'ĩrarãpa ãchi t'õnaenapema p'ue warra t'õpidak'ama. Waapẽarã ɨmɨk'ĩrarãpa p'ue warra t'õpidak'ama mãɨya oopisida pẽra. Ichiaba waapẽarãpa k'ima atai k'ɨ̃risiadak'ama ãchi Chipari Pajãne Bɨ pae nepia oodai k'orea. Mãra p'ue tuu p'aneenaipɨra, mãɨya p'anat'ɨ.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

1 Corintio 11:16

Abaɨpa mãɨ k'orea k'ĩruu pedea beeipɨra, mɨa nãɨ ichiá jararuma: taipa mãɨnepa ẽpẽrarã Tachi Ak'õrenepemarã pida mãɨ awara oodak'ama.

1 Corintio 11:34

Abaɨ pida jarrapisia bɨpɨra ichi tiida nek'oi bɨma. Mãɨya ará jere nɨbeeutade Tachi Ak'õrepa mãra ɨtɨaiwẽma piawẽa oo p'anɨ k'orea. Mɨa wapida jarateai bɨ machimá wãrune jõma jarateaipɨ.

1 Corintio 14:33

Tachi Ak'õrepa ooroa nɨbeepik'ama, mãɨpari ne k'ɨ̃risiawẽa bapiparima. Ẽpẽrarã Tachi Ak'õreneerã ará jere nɨbeeutacha

1 Corintio 16:1

Mãɨ awara mãrapa chi Jerusalenepema ũpẽarã pae erreara jɨrɨp'euta k'orea mɨa jararuma. Mɨa ũpẽarã Galacia tuadepemarã́ jarada jĩra oot'ɨ.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

1 Corintio 7:24

Ũpẽarã, Tachi Ak'õrepa tachi t'ɨ̃side ara tachi p'anana jĩra p'ananai p'anɨma ichi ome.

1 Corintio 7:7

Mɨmá chi tuurã mɨ jĩra tuu p'aneenai p'anɨpɨra, mãɨya pia bɨma. Maamina Tachi Ak'õrepa tachicha sãmaasã́ bai teasima. Tachi Ak'õrepa waapẽarã́ tea bɨma p'ue tuu p'ananamẽrá. Mãɨnepa waapẽarã́ tea bɨma k'ima atadamẽrá.

2 Corintio 11:28

Mãɨ awara ewaricha jõma ũpẽarã tuachapema k'orea mɨa minachia k'ɨ̃risia baparima.

2 Corintio 8:18

Ichi ome taipa ũpẽa aba peeutama. Mãɨ ũpẽapa chi pedea pia Cristo k'orea k'aripa jaratea nipapari pẽra ũpẽarã p'uuru bechadepemarãpa ichi k'orea pia pedeapatama.

Gálata 1:22

Cristode ĩjãa be Judea tuadepemarãpa mɨ ununak'a pasima.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.