1 Corintio 6:11 - Tachi Ak'õre Pedea

¹¹ Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

1 Corintio 6:11 ပူးပေါင်းရင်းမြစ်များ

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 1:2

Mɨa nãɨ k'art'a bɨruma chi ẽpẽrarã Tachi Ak'õrenepemarã Corinto p'uurudepema pae. Jesucristodepa Tachi Ak'õrepa mãra awara bɨsima ichi pae pia p'ananamẽrá. Ara mãɨ jĩra ichia tuacha jõma Tachi Chipari Jesucristoa ɨt'aa chiidipataɨrã awara bɨsima. Ichi ãchi Chiparipɨ mãɨnepa Tachi Chiparipɨ.

Hecho 22:16

¡Waa nɨrãse! P'irabarik'ari porochoase. Ichiá ɨt'aa chiidise. Pɨa nemietá ooda ichia ãarea k'ɨ̃risia atuaipɨ”.

Romano 8:30

Tachi Ak'õrepa chi ichia naenaena bɨdarã t'ɨ̃k'oasima ichi Warra Jesú jĩra p'ananamẽrá. Chi ichia t'ɨ̃k'oada mãɨ chi ichidirã jĩp'a berã paara bɨsima. Chi ichia ichidirã jĩp'a berã paara bɨdá, ichi pia bɨdepema teaipɨ.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

Hebreo 10:22

Cristopa tachi k'ɨ̃risia nemietá bada jĩp'a bɨsima tachi sõ ichi oapa ne jĩp'oru jĩra. Tachi Ak'õre k'ĩrari pia bɨsima tachi k'ak'ua pania p'ap'ãrá bɨpa sɨɨda jĩra. Mãɨpuru k'ɨ̃risia aba p'anɨnepa mãɨnepa piarã ĩjãa p'anɨnepa Tachi Ak'õre k'ait'a wãnai p'anɨma.

Ep'esio 5:26

Ichia mãɨya oosima tachi Tachi Ak'õre pae pia bɨi k'orea. Ichi pedeapa tachi nemietá sɨɨsima paniapa sɨɨda jĩra.

Ep'esio 5:8

Naena mãra p'ãrionepema pasima, maamina idiapae Tachi Chipari ome p'anɨ pẽra mãra ɨnaanepemarãpɨ. Mãɨpuru ɨnaanepema warrarã jĩra nipat'ɨ.

Romano 8:33

¿K'aipa Tachi Ak'õrea ichia jɨrɨ atadaɨrã k'orea p'ue k'achia pedeaima? Ara Tachi Ak'õrepuru tachi chi ichidirã jĩp'a berã paara bɨparima.

Romano 5:1

Tachi Chipari Jesucristode ĩjãa p'anɨ pẽra Tachi Ak'õrepa tachi chi ichidirã jĩp'a berã paara bɨsima. Mãɨpuru Cristodepa Tachi Ak'õre ome sõpia p'anɨma.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Gálata 3:11

Piarã tachia pia k'awa p'anɨma Moisepa bɨda oo bɨdepa Tachi Ak'õrepa mi ãpia pida chi ichidirã jĩp'a berã paara bɨit'a. Tachi Ak'õre pedeade nãɨya bɨ bɨma: «Chi jĩp'a bɨt'a, Tachi Ak'õrene ĩjãa bɨdepa chok'ae baipɨ».

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

1 Corintio 12:2

Mãrapa k'awa p'anɨma Tachi Ak'õrene ĩjãanak'apɨɨrã p'anaside paritua k'orea piawẽa k'ɨ̃risiapachidama. Juapa oodada sãdo bede ĩjãapachidama. Chok'ae p'anɨwẽ pẽra pedeadak'ama.

Hebreo 2:11

Jesupa ẽpẽerã Tachi Ak'õre pae pia bɨparima. Ichia, mãɨnepa mãɨ ẽpẽerã pida ãchi Ak'õre ara aba bɨt'a uru p'anɨma. Mãɨ k'orea Jesú p'erak'ama ãchi ichi ũpẽarãane ai k'orea.

Gálata 3:24

Piarã Moisepa bɨdapuru tachi ua basima aba tachia Cristode ĩjãautadea. Cristo chek'ari ichide ĩjãa p'anɨ k'orea Tachi Ak'õrepa tachi chi ichidirã jĩp'a berã paara bɨparima.

Romano 5:9

Cristo oa ãrinanepa Tachi Ak'õrepa tachi chi ichidirã jĩp'a berã paara bɨparima. Mãɨpuru Cristodepa Tachi Ak'õrepa tachi ɨtɨai pada piarã k'aripaipɨ.

Romano 3:24

Maamina Tachi Ak'õrepa ichi sõpiadepa ẽpẽra chi ichidirã jĩp'a berã paara bɨparima pari ne tearu jĩra. Mãɨya jaraparima Jesucristopa nemietaadepema k'aripada pẽra.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Gálata 3:8

Chõarãena Tachi Ak'õre pedeade bɨ bɨma judiorãwẽpa Tachi Ak'õrene ĩjãasidara ichia ãchi ichidí jĩp'a berã paara bɨi pasit'a. Mãɨ k'orea chõarãena Tachi Ak'õrepa Abrahaná chi pedea pia pedeasima. Ichia nãɨya jarasima: «Pɨdepa mɨa nãɨ ĩjũane be p'uuru jõma k'aripaipɨ».

Romano 4:5

Maamina chi ne oowẽa bɨpa Tachi Ak'õrene ĩjãaipɨra, Tachi Ak'õrepa mãɨ chi ichidirã jĩp'a berã paara bɨipɨ. Chi nemietá oo berãpa Tachi Ak'õrene ĩjãasidara Tachi Ak'õrepa ãchi chi ichidirã jĩp'a berã paara bɨparima.

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Juan 13:10

Mãɨ k'orea Jesupa jarasima: —Chi ẽpẽra ãarea k'ui bɨpa, ichi jĩru wa sɨɨiwẽa bɨma, ichi k'ak'ua ãarea pia sɨɨ bɨ pẽra. Mãra ãarea sɨɨ p'anɨma, maamina aba nãma bɨma sɨɨwẽa bɨt'a.

Juan 13:8

Maamina Pedropa jarasima: —¡Mɨ jĩru pɨa ewariaba pida sɨɨiwẽma! Jesupa jarasima: —Mɨa pɨ jĩru sɨɨepɨra, pɨ mõrewẽpɨ.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

1 Juan 2:12

Warrarã, mɨa nãɨ k'art'a mãrá bɨruma Tachi Ak'õrepa Cristodepa mãra nemietá k'ɨ̃risia atuada pẽra.

Mateo 20:4

Ãchiá jarasima: “Mãra sida mɨ ne uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”. Ara mãɨne wãsidama.

Juan 5:4

Edaɨde Tachi Chiparipa ɨt'aripa peeda mãɨ pania totomĩapide chepachima. Mãɨya oorude chi naa mãɨ paniane eda wãru ichi k'ak'ua piawẽa bada jɨpa beepachima.]