1 Corintio 5:9 - Tachi Ak'õre Pedea

⁹ Naena mɨa awaraɨ k'art'ade bɨsima mãra chi awaraɨrã ome k'ãipataɨrã ome ará p'ananaiwẽa p'anɨt'a.

1 Corintio 5:9 ပူးပေါင်းရင်းမြစ်များ

1 Corintio 5:10

Maamina mãɨpa jara bɨwẽma chi nãɨrã ome p'ananaiwẽa p'anɨ: chi nãɨ ĩjũanepema awaraɨ ome k'ãi berã ome, erreara awaa berã ome, nechɨapataɨrã ome, mãɨnepa juapa oodada sãdo k'ĩrari ɨt'aa chiidipataɨrã. Ãchi ome p'ana k'ɨ̃rianaepɨra, nãɨ ĩjũanepema ãyá wãnai p'anɨma.

1 Corintio 5:2

Maamina ¡mãrapa wapida k'ɨ̃risia p'anɨma waapẽarã k'aepẽra piipará berãpɨ! ¿Mãɨ ẽpẽrapa nemietá ooda k'orea minachia sõp'ua p'aneenaiwẽk'ãra? ¿Mãɨ mãranepema ãyá bɨdai p'anasidawẽk'ãra?

1 Corintio 5:7

Mãɨpuru p'ana ooropiparí chi chota ãyá amaauta jĩra mãɨ nemietá oo bɨpa mãranepema ãyá bɨt'ɨ. Mãɨya mãra nemietá newẽa p'ananaipɨ, harina chiwidi p'ueradada chi p'ana ooropiparí newẽa bɨ jĩra. Mãra mãɨ jĩra p'anapii k'orea, Cristo tachi nemietá k'orea piusima, Egitodepa wãsidaɨde oveja peadada jĩra.

2 Corintio 6:14

Cristode ĩjãanak'apɨɨrã ome pedea bɨrãt'ɨ. ¿Ẽpẽra jĩp'a bɨ sãmaasã́ ẽpẽra k'achia ome pia baima? ¿Chi ɨnaane bɨ sãmaasã́ chi p'ãrione bɨ ome pia baima?

2 Corintio 6:17

Mãɨpuru Tachi Chiparipa nãɨya jarasima: «Ãchidepema ãyá wãt'ɨ. Ãchi ome ará p'anarãt'ɨ. Mɨmá chi piawẽa bɨt'a itu bɨt'ɨ. Maapae mɨa mãra pia jitaipɨ.

Ep'esio 5:11

P'ãrionenemarãpa nemietá oopatadepa nepia be chek'ama. Mãɨpuru abarik'a oorãt'ɨ, mãɨpari k'awapit'ɨ ãchia nemietá oopataɨ.

2 Tesalonicense 3:14

Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.