1 Corintio 5:7 - Tachi Ak'õre Pedea

⁷ Mãɨpuru p'ana ooropiparí chi chota ãyá amaauta jĩra mãɨ nemietá oo bɨpa mãranepema ãyá bɨt'ɨ. Mãɨya mãra nemietá newẽa p'ananaipɨ, harina chiwidi p'ueradada chi p'ana ooropiparí newẽa bɨ jĩra. Mãra mãɨ jĩra p'anapii k'orea, Cristo tachi nemietá k'orea piusima, Egitodepa wãsidaɨde oveja peadada jĩra.

1 Corintio 5:7 ပူးပေါင်းရင်းမြစ်များ

Mateo 13:33

Ichiaba Jesupa mãicha nepɨrɨsima jarateai k'orea: «Pajãne Bɨpa ichidirã ichi juade ua bɨt'a p'ana ooropiparí jĩra bɨma. Mãɨ p'ana ooropiparí wẽrapa ãpia atak'ari harina ome p'oerasima. Maapae minachia eapasima ãarea ẽesãarunea».

Marco 14:12

Judiorã p'ana ooropiparí newẽa k'opataɨ arapaapataɨ ewari pasima. Tomioama mãɨya k'opachidama mãɨnepa chi naapema ewaride oveja chak'e peadak'ari k'opachidama. Mãɨ ewaride chi Jesú ome p'ɨrrɨapataɨrãpa ichiá idisidama: —¿Pɨa sãma k'ɨ̃ria bɨma taipa chik'o k'odayá oode wãnait'a?

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 1:36

Mãɨne Juanpa Jesú ichi k'ait'a wãru unuk'ari jarasima: —¡Ak'ɨt'ɨ! Jãɨ jãma bɨt'a Tachi Ak'õre Oveja Chak'epɨ.

Juan 19:14

Judiorã Egitodepa wãnana k'ɨ̃risiapataɨ ewari norema pada pẽra ãchi ne oo p'anasidama mãɨ ewari pae. Ɨmat'ip'a papodode Pilatopa judiorã́ jarasima: —Ak'ɨt'ɨ. Cha nãɨ mãra poro jũra jɨ̃parí jɨ̃ bɨpɨ.

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

1 Corintio 10:17

Tachia p'ana aba bɨ chok'araɨrãpa t'oet'aadak'ari k'opatama. Ara mãɨ jĩra tachi chok'ará p'anɨmina k'ak'ua aba bɨ jĩra p'anɨma.

Ep'esio 4:22

Ãchia jarateadada nãɨpɨ: Mãrapa naena oo p'anana jĩra waa niparãt'ɨ. Tachi k'ak'ua nemietá ooyá bɨpa sea bɨdepa tachi piawẽa p'aneepiparima. Mãɨ itu bɨt'ɨ, neet'á sore wẽapata jĩra.

Apocalipsi 5:12

Nãɨya jĩk'ua k'ari p'anasidama: «¡Chi Oveja Chak'e peadada minachia pia bɨma! Ãareaɨrãpa pia pedeadai p'anɨma ichit'a mãɨ ichia ãarea jõma p'ue bɨẽra, mãɨnepa ãarea uru bɨẽra, mãɨnepa ãarea k'awa bɨẽra mãɨnepa jua chaarea bɨẽra. Ichit'u chi atepe bɨade a jaradai p'anɨma mãɨnepa chi piipará bɨade a jaradai p'anɨma».