1 Corintio 4:8 - Tachi Ak'õre Pedea

⁸ Tachi Ak'õrenepa jita k'ɨ̃ria p'anana mãrapa nejõma uru p'anɨane apatama. Tachi Ak'õrepa tea bɨ minachia uru p'anɨane apatama. Taiwẽa, mãra tuaba chi atepe k'awa p'anɨrã jĩra p'aneenayane a k'ɨ̃risia p'anɨma. Maamina mãɨyawẽma. Mãra piarã chi atepe k'awa p'anɨrã p'aneenaipara pia bai pasima. Mãɨya tai sida mãra ome ará chi atepe k'awa p'anɨrã p'aneenai pasima.

1 Corintio 4:8 ပူးပေါင်းရင်းမြစ်များ

Mateo 5:1

Ẽpẽrarã chok'ará unuside Jesú eyadea ɨt'aa wãk'ari suak'abari beesima. Mãɨne ichi ome p'ɨrrɨapataɨrã ichimá chesidama.

Luca 6:25

Chupuri p'aneenaipɨ chi jãwaa berã, jarrapisia p'aneenai pẽra. Chupuri p'aneenaipɨ ara nãɨena ee p'anɨrã nãɨya bak'ari jẽanai pẽra mãɨnepa k'ɨ̃risia pará p'ananai pẽra.

Hecho 26:29

Pablopa jarasima: —Mɨa Tachi Ak'õrea ɨt'aa chiidi bɨma tãaraawẽane wa tãaraarune pɨ mãɨnepa ãarea chi mɨ pedea ũri p'anɨ mɨ jĩra p'ananamẽrá, maamina nãɨ k'ãnena newẽa.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

1 Corintio 1:5

Jesucristo ome p'anɨ pẽra Tachi Ak'õrepa mãrá jõma teasima pia oodamẽrá. Ichi pedea p'ue k'awa jaratea p'ananaipɨ mãɨnepa ichi k'orea p'ue minachia k'awa p'ananaipɨ.

1 Corintio 4:18

Waapẽarã mãranepema chi atepe k'awa p'anɨrã jĩra nipadai p'anɨma, k'ɨ̃risia p'anɨ pẽra mɨ mãramá wãiwẽt'a.

1 Corintio 5:6

Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.

2 Corintio 11:1

Mɨ k'ɨ̃risia newẽa bɨ jĩra pedea bɨmina k'ɨ̃ria bɨma mãrapa mɨa pedea bɨ k'orea choadait'a. Mɨ chichupuria idiruma mɨa jara bɨ ũrit'ɨ.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

Gálata 6:3

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Apocalipsi 3:17

Ara machi ɨbɨarãane a p'anɨma, ne ãarea uru p'anɨane a p'anɨma, mãɨnepa mãɨ ne ãpia pida newẽawẽa bɨade a p'anɨma. Maamina atua p'anɨma ara machi chichupuria p'anɨt'a, piawẽa p'anɨt'a, nenea p'anɨt'a, tau p'ãrio p'anɨt'a mãɨnepa ãk'adá p'anɨt'a.

Apocalipsi 5:10

Pɨa ãchi bɨsima p'aarerã Tachi Ak'õrené p'ananamẽrá. Mãɨnepa nãɨ ĩjũane ichi ome poro jũra jɨ̃parí jɨ̃ p'anɨrã p'ananaipɨ».