1 Corintio 4:7 - Tachi Ak'õre Pedea

⁷ ¿K'aipa pɨ waapẽarã k'aepẽra atepe pia bɨsima? Tachi Ak'õrepa teada awara ¿pɨa k'ãre uru bɨma? Pɨa Tachi Ak'õrenepa nejõma jitadapɨra, ¿k'ãre k'orea ara pɨchi tuaba jitada jĩra pedea bɨma?

1 Corintio 4:7 ပူးပေါင်းရင်းမြစ်များ

Luca 19:13

Wãi naena chi ichi pae pari mimiapataɨrã diez t'ɨ̃k'ari erreara minachia ãchicha teasima. Mãɨne jarasima: “Mɨ cherumisa nãɨ erreara eapapit'ɨ”.

Juan 1:16

Ichi minachia k'awa bɨdepa, sõpiadepa tachi k'aripa basima mãɨnepa sõpiadepa tachi k'aripa bɨma.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Romano 12:6

Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 5:6

Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.

1 Corintio 7:7

Mɨmá chi tuurã mɨ jĩra tuu p'aneenai p'anɨpɨra, mãɨya pia bɨma. Maamina Tachi Ak'õrepa tachicha sãmaasã́ bai teasima. Tachi Ak'õrepa waapẽarã́ tea bɨma p'ue tuu p'ananamẽrá. Mãɨnepa waapẽarã́ tea bɨma k'ima atadamẽrá.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.