1 Corintio 4:21 - Tachi Ak'õre Pedea

²¹ Mãɨ ¿mãrapa sãmaasã́ k'ɨ̃ria p'anɨma? ¿K'ɨ̃ria p'anɨk'ãra mɨa ɨtɨade wãi wa k'ɨ̃rianepa, pia pedeadepa wãit'a?

1 Corintio 4:21 ပူးပေါင်းရင်းမြစ်များ

1 Corintio 4:18

Waapẽarã mãranepema chi atepe k'awa p'anɨrã jĩra nipadai p'anɨma, k'ɨ̃risia p'anɨ pẽra mɨ mãramá wãiwẽt'a.

1 Corintio 5:5

mãɨ ẽpẽra ɨtɨadamẽrá. Ichi ãyá bɨdai p'anɨma tiorepa minachia mĩapimẽrá. Mãɨya nãɨ k'ak'uapa nemietá oo k'ɨ̃ria bɨt'a itu bɨipɨ. Mãɨnepa Tachi Chipari chei ewaride ichi k'aripaipɨ.

2 Corintio 1:23

Mɨa Tachi Ak'õre k'ĩrari jararuma: Corinto p'uurudea wãwẽa bɨma mãra minachia ɨtɨarudepa sõp'uapiemaapa.

2 Corintio 10:6

Taipa ũpẽarã k'ɨɨrɨwẽa be ɨtɨadai k'orea p'anɨma. Maamina naa nɨ p'anɨma mãrapa Cristode nejõmane ĩjãa p'anɨt'a unupidamẽrá.

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.

2 Corintio 12:18

Mɨa Titoa chichupuria idisima mãra ak'ɨde wãmẽrá. Waapẽarã ũpẽa sida ichi ome peesima. Ãchi wãsidaɨde ¿Titopa mãra seasik'ãra erreara jitai k'orea? ¿Taipa abarik'a k'ɨ̃risia uru p'ananaé pasik'ãra? ¿Ara mãɨ jĩra nipadaé pasik'ãra?

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

2 Corintio 13:2

Bari k'ak'o ume mãramá wãside mɨa nemietá oo berã́ jarasima waa oopidaemaapa. Mãɨya oodaepɨra, mãicha cherude mɨa ãchi k'ĩra chupuriawẽane asima. Mãɨnepa ara nãɨena mɨ mãra ome bɨwẽmina abarik'a jararuma: nemietá oo berãpa itu bɨdaepɨra, mɨ mãicha wãrune ãchi k'ĩra chupuriaiwẽma.

2 Corintio 2:1

Mãɨ k'orea mɨa k'ɨ̃risiasima mãra ak'ɨde wãiwẽt'a. Mãicha mãra ɨtɨai bɨdepa sõp'uapii k'ɨ̃riaé pasima.

2 Corintio 2:3

Mãɨ k'orea mãra ak'ɨde wãi k'aepẽra k'art'a tea peesima. Mãɨya mɨ wãrune mãrapa mɨ sõp'uapidaiwẽma. Mãrapa mɨ arapaapidai p'anɨma. Mɨa k'awa bɨma mãrapa mãɨya oodai pẽra mɨ ome ará arapá p'ananait'a.

2 Corintio 3:10

Moisepa bɨda minachia pia badamina idiapae ãpia piawẽa bɨma ichia pedea chiwidi bɨda atepe piipará bɨ pẽra.

Gálata 6:1

Ũpẽarã, mãranepema k'awawẽa nemietaade baesira, mãra chi Tachi Ak'õre Jaoredepa p'ɨrrɨa p'anɨpa, waapẽarã k'aepẽra piipará be jĩra k'ɨ̃risiadak'aɨdepa, mãɨ k'aripadai p'anɨma mãicha jĩp'a nipamẽrá. Maamina jĩrak'aua p'anat'ɨ mãra sida abarik'a nemietaade baedaemaapa.

1 Tesalonicense 2:7

Mãɨpari k'ɨ̃ria p'anɨnepa taipa mãra k'aripa p'anasidama chi naepa chi warra chak'erã ak'ɨpari jĩra.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.