1 Corintio 4:2 - Tachi Ak'õre Pedea

² Piarã chi chipari pae pari mimiaparipa ichi chiparipa oopi bɨt'a jõma jĩp'a oo bai bɨma chi chiparipa pia unumẽrá.

1 Corintio 4:2 ပူးပေါင်းရင်းမြစ်များ

Mateo 25:21

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa arí ooda pẽra, mɨa ne minachia pɨ juade bɨipɨ. Eda chese mɨ ome sõ arapaade”.

Mateo 25:23

Chi chiparipa jarasima: “Mɨ pae pari mimiaparí, piapɨ. Pɨa jĩp'a ooparima. Mɨa ãpia teadadepa pɨa pia ooda pẽra mɨa ne minachia pɨ juade bɨipɨ. Eda chese mɨ ome sõ arapaade”.

Luca 12:42

Jesupa p'anoosima: —Te chipari pae pari mimiaparipa k'ɨ̃risia k'awa bɨdepa jĩp'a oo bɨpɨra, chi te chiparipa chi waapẽarã ichi pae pari mimiapataɨrã mãɨ ichi pae pari mimiaparí juade bɨipɨ ãchia ewari ará parude nek'opi bamẽrá.

1 Corintio 4:1

Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

1 Corintio 4:3

Mãɨpuru mãrapa wa paritua ẽpẽrapa mɨ k'orea k'achia pedeautade piawẽa k'ɨ̃risiadak'ama. Mãɨnepa ara mɨchi tuaba jarawẽma mɨa oo bɨt'a sãmaasã́ bɨ.

1 Corintio 7:25

Mãɨ awara chi k'ima waidi atadak'á bee k'orea mɨa jararuma. Tachi Chipari Jesucristopa mɨá mãɨ k'orea jarateapiwẽ pẽra mɨa k'ɨ̃risia bɨt'a jararuma. Mãrapa k'awa p'anɨma Tachi Chiparipa mɨ k'ĩra chupuriada pẽra mɨa piarã jaraparima.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

Colosense 1:7

Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.

Colosense 4:17

Ũpẽa Ark'ipoa jarat'ɨ: «Tachi Chiparipa oopi bɨ ãarea oo base».

Colosense 4:7

Tachia k'ɨ̃ria p'anɨ ũpẽa Tík'ik'o mɨa mãramá peeruma mɨ k'orea k'awadamẽrá mãɨnepa sõpiadamẽrá. Ichia mɨ ome Tachi Chiparipa oo bɨ ne ãareaɨne pia oo bɨma. Ichia tai k'orea mãrá ãarea nepɨrɨipɨ.