1 Corintio 4:16 - Tachi Ak'õre Pedea

¹⁶ Mãɨ k'orea mɨa mãrá chichupuria idiruma mɨ nipapari jĩra nipadamẽrá.

1 Corintio 4:16 ပူးပေါင်းရင်းမြစ်များ

1 Corintio 11:1

Mɨ Cristo nipada jĩra nipapari pẽra mɨ jĩra nipat'ɨ.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

P'ilipense 4:9

Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

2 Tesalonicense 3:9

Piarã mãrapa k'aripadamẽrá taipa p'ue ne ididai p'anasidamina, ididaé pasima. Mãɨpari tai mimiasidama k'awapidai k'orea mãrapa abarik'a oodai p'anɨ.

Hebreo 13:7

Chi mãra minachia k'awa p'anɨrã k'orea k'ɨ̃risiat'ɨ. Ãchia Tachi Ak'õre pedea mãrá jarateasidama. K'ɨ̃risiat'ɨ sãmaasã́ ãchi p'ɨrrɨa p'anana mãɨnepa mãɨ k'orea k'ãasãasit'a. Ãchia Cristode ĩjãa p'anana jĩra mãra pida ara ĩjãa p'anat'ɨ.

1 Pedro 5:3

Chi mãrapa ak'ɨ p'anɨrã, machi pae pari mimiapataɨrã jĩra uru p'anarãt'ɨ, mãɨpari machi nipautadepa unupit'ɨ sãmaasã́ nipadai p'anɨ.