1 Corintio 4:14 - Tachi Ak'õre Pedea

¹⁴ Mɨa mãɨ bɨwẽma mãra p'erapii k'orea. Mãɨpari mɨ warrarã jĩra mãra k'ɨ̃ria bɨ pẽra mãɨya bɨ bɨma jĩp'a k'ɨ̃risiapii k'orea.

1 Corintio 4:14 ပူးပေါင်းရင်းမြစ်များ

Hecho 20:31

Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.

1 Corintio 15:34

Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 4:15

Mãrapa Cristo k'orea jarateapataɨrã chok'ará uru p'anɨpara wapida ak'õre aba uru p'ananai pasima. Mɨnepa mãrapa chi Jesú k'orea pedea pia ĩjãanana pẽra ichidepa mɨ mãra ak'õrepɨ.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

1 Corintio 6:5

Mɨa mãɨ jara bɨma mãra p'eradamẽrá. ¿Mãra t'ãena k'ɨ̃risia k'awa bɨ aba pida newẽk'ãra ũpẽarã nepɨrade p'anɨrã́ pia pedeapii k'orea?

1 Corintio 9:15

Maamina mɨa mãɨ jitak'ama. Mãɨ k'orea nãɨ k'art'ade mɨa bɨwẽma mãrapa ne teadamẽrá. Mɨa jaratea bɨdepa ne jitak'a pẽra arapá bɨma. Mɨa k'ɨ̃riawẽma mi ãpia pida ne tea bɨdepa mãɨ arapá jõpiit'a. Mɨmá, mãranepema ne jitai k'aepẽra piui pia bɨma.

2 Corintio 11:11

¿Mɨa k'ãarea mãɨya erreara idiwẽa bɨma? ¿Mãra k'ɨ̃riawẽa bɨ pẽra mãɨya oo bɨk'ãra? Tachi Ak'õrepa k'awa bɨma mɨa mãra k'ɨ̃ria bɨt'a.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

2 Corintio 7:3

Mɨa mãɨ jarawẽa bɨma mãra k'orea k'achia pedeai k'orea. Mɨa naena jarasima taipa mãra sõnepa k'ɨ̃ria p'anɨ. Mãɨnepa mãra ome ará p'anɨne wa piuutade, mãɨya k'ɨ̃ria p'ananaipɨ.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

2 Tesalonicense 3:14

Taipa nãɨ k'art'ade jarateadada abaɨ pida ĩjãaepɨra, jõmãɨrã́ k'awapit'ɨ piawẽa oo bɨt'a. Ichi ome ará p'anarãt'ɨ p'eramẽrá.

P'ilemón 1:10

Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

3 Juan 1:4

Mɨ ũpẽarãpa chi piarãpẽa pedeade nina ũrirune mɨ minachia arapá baparima.