1 Corintio 4:11 - Tachi Ak'õre Pedea

¹¹ Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

1 Corintio 4:11 ပူးပေါင်းရင်းမြစ်များ

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Hecho 14:19

Listrade p'anɨne waapẽarã judiorã Antioquiadepa mãɨnepa Iconionepa chesidama. Ãchia Listradepemarã́ Pablo k'orea piawẽa k'ɨ̃risiapisidama. Mãɨpuru ãareaɨrãpa Pablo mawarapa bat'asidama. Ichi piuda k'ɨ̃risiasidada pẽra p'uuru tajatá jidibari ateewãsidama.

Hecho 16:23

Minachia udak'ari eda jɨ̃a nɨbɨsidama. Chi jɨ̃a nɨbɨpataɨ te ot'eaparia jarasidama minachia ak'ɨmẽrá.

Hecho 23:2

Mãɨne chi p'aarerã minachia k'awa bɨ Ananiapa chi Pablo k'ait'a p'anɨa jarasima ichi it'aede p'edamẽrá.

Romano 8:35

¿K'aipa tachi Cristopa k'ɨ̃ria bɨdepema p'ue ãyá bɨima? Ewari chaarea cherude, minachia mĩa p'anɨne, ẽpẽrarãpa tachi ẽp'ẽ p'anɨne, jarra cherude, neet'á nea p'anɨne, k'achiade p'anɨne, ẽpẽrarãpa pea k'ɨ̃ria p'anɨne mi ãpia pida tachi Cristopa k'ɨ̃ria bɨdepema p'ue ãyá bɨiwẽma.

1 Corintio 9:4

¿Mɨa jaratea bɨdepa, mãra juadepema ne k'oiwẽa bɨk'ãra? ¿Ne toiwẽa bɨk'ãra?

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

2 Corintio 4:8

Tai ne ãareaɨne minachia mĩa p'anɨmina mãɨne p'ue ãyá wãnaiwẽ k'ɨ̃risiadak'ama. Sãmaasã́ oodai k'awadawẽa p'anɨne p'ue oodaiwẽ k'ɨ̃risiadak'ama.

P'ilipense 4:12

Nenea bɨde mãɨnepa ne minachia uru bɨde, sãmaasã́ bai k'awa bɨma. Mɨa k'awasima parituade sãmaasã́ ne k'ɨ̃risiawẽa bait'a, ne jãwaa bɨde mãɨnepa jarra bɨde; ne minachia uru bɨde mãɨnepa newẽa bɨde.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.