1 Corintio 4:10 - Tachi Ak'õre Pedea

¹⁰ Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

1 Corintio 4:10 ပူးပေါင်းရင်းမြစ်များ

Mateo 24:9

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ.

Mateo 5:11

Mɨ k'orea k'achia pedeadaipɨra, mĩapii p'anɨpɨra mãɨnepa wawaria seadepa k'achia pedeadaipɨra, mãra pia p'anɨma.

Luca 10:16

Maapae ichi ome p'ɨrrɨapataɨrã́ jarasima: «Chi mãra pedea ĩjãa bɨpa mɨ pedea ĩjãa bɨma. Chi mãra unuemaa uru bɨpa mɨ sida unuemaa uru bɨma. Ichiaba chi mɨ unuemaa uru bɨpa mɨ Peeda sida unuemaa uru bɨma».

Luca 18:9

Waapẽarãpa ara ãchit'a jĩp'a be k'ɨ̃risia p'anasidama. Mãɨpuru ununaemaa uru p'anapachidama. Jesupa ãchiá nepɨrɨdepa nãɨya jarasima:

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 17:32

Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama: —Mãicha ewariaba pɨa pedea bɨt'a mãicha ũrinaipɨ.

Hecho 26:24

Pablopa mãɨya ara ichi k'ak'ua k'orea pedea bɨde P'estopa jĩk'ua jarasima: —Pablo, ¡pɨ k'ĩra piawẽa bɨma! Pɨa minachia k'art'a k'awa bɨdepa k'ĩra piawẽa beesima.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 1:25

Ẽpẽrarãmá Cristo k'urusude piuda pẽra Tachi Ak'õre ne k'awawẽa bɨma mãɨnepa jua chaareawẽa bɨma. Maamina ne atua bɨ jĩra bɨmina Tachi Ak'õre jõma nãɨ ĩjũanepemarã k'aepẽra atepe k'awa bɨma. Mãɨnepa jua chaareawẽa bɨ jĩra bɨmina jõma nãɨ ĩjũanepemarã k'aepẽra atepe jua chaarea bɨma.

1 Corintio 10:12

Mãɨpuru abaɨpa minachia ĩjãa bɨ jĩra k'ɨ̃risia bɨpɨra, ara ichi tuaba jĩrak'aua bai bɨma nemietaade baemaapa.

1 Corintio 2:14

Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.

1 Corintio 2:3

Mãɨne mɨ ɨbɨwẽa bɨ k'ɨ̃risiasima. Mãɨnepa p'ue pia jarateawẽa k'ɨ̃risia bada pẽra wap'eapa k'ak'ua ãarea ore nɨbapachima.

1 Corintio 3:18

Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

1 Corintio 3:2

Mɨa Cristo k'orea pedea t'ajuwẽa bɨdepema jarateasima, warra chak'erã́ juba topi bɨ jĩra. Chik'o k'opi bɨ jĩra, mɨa t'aju bɨ jarateaé pasima, mãrapa p'ue k'awadaé pasi pẽra. Mãɨnepa waidi p'ue k'awadawẽma.

1 Corintio 4:8

Tachi Ak'õrenepa jita k'ɨ̃ria p'anana mãrapa nejõma uru p'anɨane apatama. Tachi Ak'õrepa tea bɨ minachia uru p'anɨane apatama. Taiwẽa, mãra tuaba chi atepe k'awa p'anɨrã jĩra p'aneenayane a k'ɨ̃risia p'anɨma. Maamina mãɨyawẽma. Mãra piarã chi atepe k'awa p'anɨrã p'aneenaipara pia bai pasima. Mãɨya tai sida mãra ome ará chi atepe k'awa p'anɨrã p'aneenai pasima.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 11:19

Mãra chi minachia k'ɨ̃risia pará p'anɨẽra, nãɨ k'ɨ̃risia newẽa bɨpa jaratea bɨt'a mãrapa choapatama.

2 Corintio 11:29

Aba k'ɨdade beeipɨra, mɨ sida k'ɨdade bee jĩra baparima. Abaɨpa waapẽarã ũpẽa nepɨrade baepiipɨra, mɨ mãɨ ẽpẽra ome k'ĩruuparima.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

2 Corintio 4:12

Piarã ẽpẽrarãpa tai pea k'ɨ̃ria p'anɨmina taipa jaratea p'anɨt'a mãrapa ĩjãasidama. Mãɨpuru ewaricha Tachi Ak'õre ome chok'ae p'ananaipɨ.

2 Corintio 6:8

Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.