1 Corintio 4:1 - Tachi Ak'õre Pedea

¹ Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

1 Corintio 4:1 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 24:45

»Te chipari pae pari mimiaparí k'ɨ̃risia k'awa bɨpa jĩp'a oopari jĩra beat'ɨ. Ichi chiparipa waapẽarã ichi pae pari mimiapataɨrã ichi juade bɨsima ewari ará parude nek'opi bamẽrá.

Marco 4:11

Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma,

Luca 1:2

Chi mãɨ ooda ununaanapa mãɨ nepɨrɨsidama mãɨnepa jarateasidama. Maapae chi k'art'a bɨdaadapa mãɨ bɨsidama.

Luca 12:42

Jesupa p'anoosima: —Te chipari pae pari mimiaparipa k'ɨ̃risia k'awa bɨdepa jĩp'a oo bɨpɨra, chi te chiparipa chi waapẽarã ichi pae pari mimiapataɨrã mãɨ ichi pae pari mimiaparí juade bɨipɨ ãchia ewari ará parude nek'opi bamẽrá.

Luca 8:10

Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma “ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa”.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 4:13

Seadepa taiyá k'achia pedeautade pedea piadepa p'anoopatama. Wapida nãɨ ewaride ẽpẽrarãpa tai nejarra jĩra unupatama mãɨnepa nemietá jĩra unupatama.

1 Corintio 4:2

Piarã chi chipari pae pari mimiaparipa ichi chiparipa oopi bɨt'a jõma jĩp'a oo bai bɨma chi chiparipa pia unumẽrá.

2 Corintio 11:23

Ãchi Cristo pae pari mimiapataɨrãane a p'anɨma. Maamina ãchi k'aepẽra mɨa atepe pia Cristopa k'ɨ̃ria bɨ ooparima. Mãɨya pedea bɨde k'ɨ̃risia newẽa bɨ jĩra pedea bɨma. Piarã ãchi k'aepẽra mɨa Tachi Ak'õrepa oo bɨt'a atepe ooparima. Ãchi k'aepẽra ẽpẽrarãpa mɨ bari k'ak'o minachia jok'aesidama. Ãchi k'aepẽra mɨ bari k'ak'o minachia eda jɨ̃a nɨbɨpisidama. Bari k'ak'o minachia mɨ piui basima.

2 Corintio 12:6

Piarã ara mɨchi k'orea pia pedea k'ɨ̃ria bɨpara mɨ k'ɨ̃risia newẽa bɨ jĩra pedeaé pasima, chi piarã pedea pedeai pasi pẽra. Maamina mɨa mãɨya pedeawẽma mi ãpia pida mɨ pia bɨt'a k'ɨ̃risiapidaemaapa. Mãɨpari mɨa k'ɨ̃ria bɨma mãrapa mɨ k'orea arí k'ɨ̃risiadait'a mɨa oo bɨt'a unu p'anɨ pẽra mãɨnepa mɨa jaratea bɨt'a ũri p'anɨ pẽra.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Timoteo 3:6

Cristode ĩjãanak'apɨɨrã pida ichi k'orea pia k'ɨ̃risiadai p'anɨma. Mãɨya ẽpẽrarãpa ichi k'orea piawẽa pedeadaiwẽma mãɨnepa tiorepa ẽpẽrarã k'ĩrari ichi nepɨra pará bɨade aiwẽma. Tachi Ak'õre pedea chiwidi ĩjãana chi ĩjãapataɨrã ak'ɨparí paiwẽa bɨma, mãɨ ichi atepe bɨ jĩra k'ɨ̃risiapiemaapa. Mãɨya k'ɨ̃risiasira Tachi Ak'õrepa mãɨ ɨtɨaipɨ tiore ɨtɨada jĩra.

1 Timoteo 3:9

Tachia ĩjãa p'anɨ pedea Tachi Ak'õrepa k'awapida, k'ɨ̃risia piadepa minachia ak'ɨdai p'ananai p'anɨma.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.