1 Corintio 3:9 - Tachi Ak'õre Pedea

⁹ Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

1 Corintio 3:9 ပူးပေါင်းရင်းမြစ်များ

Mateo 15:13

Jesupa p'anoosima: —Mɨ Ak'õre pajãne bɨpa, ichia uudawẽ paara ãarea ẽut'aak'oaipɨ, chi k'arra para.

Mateo 16:18

Mɨa jararuma: pɨ Pedropɨ. Mɨa nãɨ mawara ɨ̃rɨ mɨ p'uuru ooipɨ. Mi ãpia pida mɨ p'uuru p'uedaiwẽma, tachi piuutade pida.

Mateo 9:37

Mãɨne ichi ome p'ɨrrɨapataɨrã́ nãɨya jarasima: —Piarã nãɨ ẽpẽrarã ne uu minachia chau nɨbapari jĩra p'anɨma. Maamina chi mimiapataɨrã waibɨawẽa p'anɨma.

Marco 16:20

Maapae chi Jesú ome p'ɨrrɨapataɨrãpa ichi pedea ãchi wãutacha jarasidama. Tachi Chiparipa ãchi k'aripapachima. Ẽpẽerãpa ne p'ue oodak'apɨɨrã oopi bɨdepa k'awapipachima ãchia jara p'anɨ piarãt'a.

Hecho 4:11

Tachi Ak'õre k'art'ade bɨ bɨma: “Chi te oopataɨrãpa mawara amaanana pada, mãɨ mawara chi atepe piipará beesima”.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

1 Corintio 3:6

Ne uuru jĩra mɨa mãrá Jesú k'orea naa jarateasima. Maapae mɨa uudade pania p'oru jĩra Apolopa Tachi Ak'õre pedea pia jarateasima. Maamina Tachi Ak'õrepuru k'aripasima mãrapa ĩjãanamẽrá chi ne uuda waripiru jĩra.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

3 Juan 1:8

Mãɨ k'orea tachia mãɨ ũpẽarã k'aripadai p'anɨma. Mãɨya ãchi ome ará mimia p'anɨma Tachi Ak'õre piarã pedea k'awapidai k'orea.