1 Corintio 3:23 - Tachi Ak'õre Pedea

²³ Jõma mãra Cristoderãpɨ. Mãɨnepa Cristo Tachi Ak'õrenepɨ.

1 Corintio 3:23 ပူးပေါင်းရင်းမြစ်များ

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Juan 17:18

Pɨa mɨ nãɨ ĩjũanepemarã t'ãena peeda jĩra mɨa ãchi nãɨ ĩjũanepemarã t'ãena peeruma.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Romano 14:8

Chok'ae p'anɨne Tachi Chipari pae chok'ae p'anɨma. Mãɨnepa piusidara Tachi Chipari pae piudaipɨ. Mãɨya chok'ae p'anɨne wa piuutade Tachi Chiparidepɨ.

1 Corintio 11:3

Maamina mɨa k'ɨ̃ria bɨma mãrapa k'awadai Cristo chi ɨmɨk'ĩira ãarea Chiparipɨ, chi ɨmɨk'ĩra chi wẽra chiparipɨ, mãɨnepa Tachi Ak'õre Cristo Chiparipɨ.

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

1 Corintio 15:28

Tachi Ak'õre Warra Cristopa nejõma p'uek'ari ara ichi Tachi Ak'õre juade beeipɨ Tachi Ak'õrepa nejõma ichi juade bɨda jĩra. Mãɨya Tachi Ak'õrepa nejõma ichi juade ua baipɨ.

1 Corintio 7:22

Chi Tachi Ak'õrepa t'ɨ̃na chipari pae pari mimiaparí, Tachi Chiparipa nemietaadepema k'aripasima, ichi pae ne oo bamẽrá. Mãɨne chi Tachi Ak'õrepa t'ɨ̃na ara ichi chipari pae pari mimiapariwẽt'a, naapae Cristo pae pari mimiaparipɨ.

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

2 Corintio 10:7

Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Ep'esio 1:10

ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.