1 Corintio 3:14 - Tachi Ak'õre Pedea

¹⁴ Tachia oodapa mãɨ t'ɨpɨ urua choasira Cristopa chi oo badá nepia teaipɨ.

1 Corintio 3:14 ပူးပေါင်းရင်းမြစ်များ

1 Corintio 3:8

Chi ne uuparí mãɨnepa chi pania p'oparí sida Tachi Ak'õre k'ĩrari abarik'a p'anɨma. Ichia tachicha nepia teaipɨ, tachia oo p'anana jĩra.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

1 Corintio 9:17

Mɨchia k'ɨ̃ria bɨdepa jarateadapara, ne jitai pasima. Maamina mɨchia k'ɨ̃ria bɨdepa jarateawẽa bɨma. Tachi Ak'õrepuru mɨá jarateapisi pẽra, mɨa mãɨya bai bɨma.

Gálata 6:4

Abaɨpa oo bɨ ak'ɨdai k'aepẽra ara tachia oo p'anɨt'a ak'ɨi p'anɨma, jĩp'a oo p'anɨt'a k'awadai k'orea. Mãɨya ara tachia oo p'anɨ k'orea arapá baipɨ.

1 Tesalonicense 2:19

Piarã tai mãra k'orea arapá p'anɨma. Mãɨ awara k'awa p'anɨma Tachi Chipari Jesucristo cherude taipa mãra jĩp'a p'anɨt'a ichiá unupidaipɨ. Mãɨne ichi k'ĩrari mãra k'orea tai sõpia p'ananaipɨ.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

1 Pedro 5:4

Maapae Cristo tachi Ak'ɨparí chi Atepe bɨ cherude mãra chi atepe k'awa p'anɨrã bɨipɨ poro jũra jɨ̃parí jõk'apɨ́ tearu jĩra.