1 Corintio 3:13 - Tachi Ak'õre Pedea

¹³ Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

1 Corintio 3:13 ပူးပေါင်းရင်းမြစ်များ

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Luca 2:35

Mãɨya chok'araɨrãpa ãchi sõne mẽra uru be unupiipɨ. Ichiaba pɨ minachia sõp'ua baipɨ k'ĩruuparí nek'opa su bɨ jĩra.

Romano 2:16

Jõmãɨrãpa ãchi sõne mẽra uru p'anɨt'a Tachi Ak'õrepa nepɨra ak'ɨi ewaride Jesucristodepa mãɨ ak'ɨipɨ. Mɨa chi pedea pia jaratea bɨ jĩra ara mãɨya baipɨ.

Romano 2:5

Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

1 Corintio 3:12

Abaɨpa mãɨ ɨ̃rɨ te pia ooipɨra, ichia oo bɨt'a nee, p'arat'a mãɨnepa mawara pia achiterrea k'ede ãrik'apɨ́ jĩra baipɨ. Maamina abaɨpa mãɨ ɨ̃rɨ te piawẽa ooipɨra, ichia oo bɨt'a pak'uru, sia k'irú wa to k'irupa oodada te jĩra baipɨ.

1 Corintio 4:5

Mãɨ k'orea ichia nepɨra ak'ɨi ewari naena tachia jaradaiwẽa p'anɨma, chi ichia ooda oo bɨpa jĩp'a oo bɨ wa jĩp'a oowẽa bɨ. Tachi Chipari cherude tachi sõne k'ɨ̃risia bada mãɨnepa nejõma tachi sõne mẽra beada k'awapiipɨ. Tachi Ak'õrepuru tachicha pia bayade aipɨ tachia pia oodada k'orea.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

2 Timoteo 1:18

Mɨa k'ɨ̃ria bɨma Tachi Chiparipa ɨtɨai ewaride ichi k'ĩra chupuriai. Pɨa k'awa bɨma Onesip'oropa Ep'esode minachia k'aripasit'a.

2 Timoteo 3:9

Maamina ãchia oo p'anɨ pia baiwẽma. Jõmãɨrãpa ãchi k'ɨ̃risiawẽa be ãarea k'awadaipɨ Moisé ewaride Jane mãɨnepa Jambre mãɨyanana jĩra.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

1 Pedro 4:12

Ũpẽarã, mãra minachia mĩa p'anɨ k'orea minachia k'ɨ̃risia p'aneerãt'ɨ. Mãɨya p'anɨma Cristode minachia ĩjãanai k'orea. Mãɨpuru minachia mĩanaiwẽa p'anɨ k'ɨ̃risiarãt'ɨ.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

Apocalipsi 20:12

Ichiaba chi piudaadarã chi atepe berã mãɨnepa chi k'aepea k'ede sida Tachi Ak'õre k'ĩrari bai nɨp'anɨt'a mɨa unusima. Mãɨne k'art'a ewak'oasima. Mãɨ k'art'ade jõma ẽpẽerãpa ne oodada bɨ nɨbasima. Abaɨ k'art'a sida ewasima. Mãɨne chi ewaricha chok'ae p'ananai k'art'ade ẽpẽerã t'ɨ̃ bɨ nɨbasima. Jõma piudaadarã Tachi Ak'õrepa ɨtɨasima ãchia oodada jĩra. Ãchia oodada ãarea k'art'ade bɨ nɨbasima.