1 Corintio 3:10 - Tachi Ak'õre Pedea

¹⁰ Mɨ te ooparí pia jĩra bɨma. Tachi Ak'õrepa ichi sõpiadepa mɨá teadadepa, te tĩitau yaayá eudu k'orosima. Waapẽarãpa mãɨ ɨ̃rɨ te oopatama. Maamina tachicha jĩrak'aua bai bɨma sãmaasã́ mãɨ ɨ̃rɨ ooi bɨt'a.

1 Corintio 3:10 ပူးပေါင်းရင်းမြစ်များ

Mateo 24:45

»Te chipari pae pari mimiaparí k'ɨ̃risia k'awa bɨpa jĩp'a oopari jĩra beat'ɨ. Ichi chiparipa waapẽarã ichi pae pari mimiapataɨrã ichi juade bɨsima ewari ará parude nek'opi bamẽrá.

Mateo 7:24

»Mãɨ k'orea abaɨpa mɨ pedea ũrik'ari, ooipɨra, nãɨ jĩra baipɨ: ẽpẽra k'ɨ̃risia k'awa bɨpa ichi te mawara ɨ̃rɨ oosima.

Luca 11:35

Mãɨ k'orea minachia jĩrak'aua base, pɨa ɨnaa jĩra k'ɨ̃risia bɨ mãɨ p'ãrio baemaapa.

Luca 21:8

Jesupa p'anoosima: —Jĩrak'aua nipat'ɨ abaɨa pida mãra seapiemaapa. Chok'araɨrãpa jaradaipɨ “mɨ Tachi Ak'õrepa Tachi K'aripaparí teai jara bada”. Mãɨ awara chi ewari arí payade adaipɨ. Maamina ãchi ome wãrãt'ɨ.

Hecho 18:27

Mãɨya nak'ari Apolo Acaya tuadea wã k'ɨ̃ria basima. Mãɨpuru ũpẽarã Ep'esodepemarãpa ichi wãit'a pia bɨade asidama. K'art'a bɨsidama Jesude ĩjãapataɨrãpa ichi mãma “pɨ pia chesiade” adamẽrá. Acaya tuade cheside Apolopa ũpẽarã Tachi Ak'õre sõpiadepa Jesude ĩjãanana minachia k'aripasima.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.

Romano 15:15

Maamina nãɨ k'art'ade mɨa k'ɨ̃risia wawaria piarã bɨsima, mãrá k'ɨ̃risia atuapidaemaapa. Mãɨya bɨsima Tachi Ak'õrepa ichi sõpiadepa mɨ bɨda pẽra

Romano 15:20

Piarã chi pedea pia Cristo k'orea mɨa jaratea k'ɨ̃ria bɨma waidi ũrinak'aɨrãmá. Abaɨpa jaratea bɨmá, mɨ mimia k'ɨ̃riawẽma.

1 Corintio 3:11

Jesucristo chi te tĩitaupẽra waa p'ue awara bɨdaiwẽa bɨma.

1 Corintio 9:2

Waapẽarã ũpẽarãpa mɨ Jesucristopa peeda k'ɨ̃risiadawẽa p'anɨmina mãrapa k'awadai p'anɨma mɨ piarã ichia peedapɨ. Mɨa jarateadadepa mãrapa Tachi Chiparide ĩjãasida pẽra mãɨ unupi bɨma.

2 Corintio 10:15

Waapẽarãpa oodada k'orea ara tai k'orea pia pedeadak'ama ara taipa oodada jĩra. Mãɨpari taipa k'ɨ̃ria p'anɨma mãrapa Cristode pia ĩjãanait'a. Mãɨya taipa mãra tuade p'ue pia jarateadaipɨ ara Tachi Ak'õrepa oopi bɨ jĩra.

Ep'esio 2:20

Mãra mawara te jĩra p'anɨma. Jesupa peedaɨrã mãɨnepa Tachi Ak'õre pari pedeapataɨrã mãɨ te jĩru mawara jĩra p'anɨma. Mãɨ tedepema mawara chi piipará bɨ, Jesucristopɨ.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Colosense 4:17

Ũpẽa Ark'ipoa jarat'ɨ: «Tachi Chiparipa oopi bɨ ãarea oo base».

1 Timoteo 4:16

Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

2 Timoteo 2:15

Tachi Ak'õre pedea piarãpema arí jaratea bɨ unupi base. Mimiaparí pia bɨ jĩra jĩrak'aua oo base Tachi Ak'õrepa pɨ p'erawẽa pia unumẽrá.

Santiago 3:1

Ũpẽarã, mãrapa k'awa p'anɨma Tachi Ak'õrepa chi Ichi pedea tachi jarateapataɨrã atepe ak'ɨk'ari, ɨtɨaipɨ. Mãɨpuru chok'ará mãranepemarãpa jɨrɨdaiwẽa p'anɨma jarateapataɨrã padai k'orea.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

2 Pedro 3:15

K'ɨ̃risiat'ɨ Tachi Chiparipa ẽpẽrarã k'aripai k'orea jõma choa bɨt'a. Ara mãɨya tachia k'ɨ̃ria p'anɨ ũpẽa Pablo pida k'art'ade mãrá bɨsima, Tachi Ak'õrepa ichiá teada k'ɨ̃risiadepa.

Apocalipsi 21:14

Mãɨ p'uuru audu jũk'a bɨ doce mawara ɨ̃rɨ basima. Mawaracha chi Oveja Chak'epa doce peedaɨrã t'ɨ̃ aba bɨ basima.

Apocalipsi 21:19

Mãɨ audu jũk'a bɨ doce mawara ɨ̃rɨ basima. Mãɨ mawara ãarea pia beasima. Chi naapema jaspe mawara pasima. Mãɨ ɨ̃ari zap'iro mawara pasima. Mãɨ ɨ̃ari ágata mawara pasima. Mãɨ ɨ̃ari esmeralda mawara pasima.