1 Corintio 2:5 - Tachi Ak'õre Pedea

⁵ Mãɨya mãrapa nãɨ ĩjũanepema k'ɨ̃risiadepa Jesucristode ĩjãanaé pasima, mãɨpari Tachi Ak'õre jua chaareadepa ĩjãasidama.

1 Corintio 2:5 ပူးပေါင်းရင်းမြစ်များ

Hecho 16:14

Mãɨ wẽrarãnepema aba Lidia apachidama. Ichi Tiatira p'uurudepema pasima. P'aru k'ĩra pia arena bɨ netopachima. Mãɨ judiowẽ wẽrapa Tachi Ak'õre wap'ea basima. Tachi Chiparipa ichiá ũripisi pẽra Pablopa chi pedea bɨt'a Lidiapa pia ũrik'ari ĩjãasima.

1 Corintio 1:17

Cristopa mɨ peé pasima ẽpẽrarã porochoa bamẽrá, mãɨpari peesima chi pedea pia ichi k'orea jarateamẽrá. Nãɨ ĩjũanepema k'ɨ̃risiadepa jarateawẽma, Cristo k'urusude piuda ara ichi pari piuda jĩra beepiemaapa.

1 Corintio 3:6

Ne uuru jĩra mɨa mãrá Jesú k'orea naa jarateasima. Maapae mɨa uudade pania p'oru jĩra Apolopa Tachi Ak'õre pedea pia jarateasima. Maamina Tachi Ak'õrepuru k'aripasima mãrapa ĩjãanamẽrá chi ne uuda waripiru jĩra.

2 Corintio 12:9

Maamina ichia jarasima: «Mɨ sõpiadepa pɨ k'aripaipɨ jõma choa bamẽrá. Pɨ ɨbɨwẽa bɨde, mɨ jua chaarea atepe ɨbɨa baparima». Mɨ ɨbɨwẽa bɨde Cristo chaarea bapari pẽra mɨ ɨbɨwẽa bɨ k'orea arapaadepa pia pedeaipɨ.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.