1 Corintio 2:14 - Tachi Ak'õre Pedea

¹⁴ Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.

1 Corintio 2:14 ပူးပေါင်းရင်းမြစ်များ

Mateo 16:23

Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.

Juan 10:20

Chok'araɨrãpa jarasidama: «Jãɨ ẽpẽrapa jaore mietá uru bɨma. Ichi k'ĩra piawẽa bɨma. ¿K'ãre k'orea ichi pedea ũrinaima?»

Juan 12:37

Jesupa ẽpẽerãpa ne p'ue oodak'apɨ́ chok'ará ẽpẽerã k'ĩrari oodamina ãchia waidi ĩjãanawẽa p'anasidama.

Juan 14:17

Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Juan 8:43

Mɨa jara bɨ ¿k'ãre k'orea mãrapa k'awadawẽa p'anɨma? Mãrapa k'awadawẽa p'anɨma, mɨ pedea ũri k'ɨ̃rianak'a pẽra.

Hecho 16:14

Mãɨ wẽrarãnepema aba Lidia apachidama. Ichi Tiatira p'uurudepema pasima. P'aru k'ĩra pia arena bɨ netopachima. Mãɨ judiowẽ wẽrapa Tachi Ak'õre wap'ea basima. Tachi Chiparipa ichiá ũripisi pẽra Pablopa chi pedea bɨt'a Lidiapa pia ũrik'ari ĩjãasima.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 17:32

Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama: —Mãicha ewariaba pɨa pedea bɨt'a mãicha ũrinaipɨ.

Hecho 18:15

Maamina mãrapa chi jaratea bɨ k'orea, mãra Tachi Ak'õre t'ɨ̃ k'orea mãɨnepa mãra Moisepa bɨda k'orea pedea p'anɨma. Mãɨpuru ara mãra tuaba mãɨ ak'ɨt'ɨ. Mɨa mãɨ k'orea ak'ɨi k'orea bɨwẽma.

Hecho 25:19

Mãɨpari ichi nepɨra pará bɨade a jara p'anasidama chi ãchia ĩjãa p'anɨ awara jaratea bɨ k'orea mãɨnepa ẽpẽra Jesú apataɨ k'orea. Mãɨ piudamina Pablopa jara bɨma chok'ae bɨt'a.

1 Corintio 1:18

Chi ẽpẽrarã t'ɨpɨ urua nɨbɨdea wãnai p'anɨrãmá, Cristo k'urusude piuda k'orea paritua pedea bɨ jĩra bɨma. Maamina tachit'u, chi Tachi Ak'õrepa k'aripapataɨrãpa k'awa p'anɨma mãɨ pedeapa Tachi Ak'õre jua chaarea k'awapi bɨt'a.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 1:25

Ẽpẽrarãmá Cristo k'urusude piuda pẽra Tachi Ak'õre ne k'awawẽa bɨma mãɨnepa jua chaareawẽa bɨma. Maamina ne atua bɨ jĩra bɨmina Tachi Ak'õre jõma nãɨ ĩjũanepemarã k'aepẽra atepe k'awa bɨma. Mãɨnepa jua chaareawẽa bɨ jĩra bɨmina jõma nãɨ ĩjũanepemarã k'aepẽra atepe jua chaarea bɨma.

1 Corintio 15:44

Nãɨ ĩjũanepema k'ak'ua t'ɨbaripatama maamina pajãnepema k'ak'ua chok'ae p'irabariipɨ. Nãɨ ĩjũanepema k'ak'uapɨra ichiaba pajãnepema k'ak'uapɨ.

1 Corintio 15:46

Pajãnepema k'ak'ua naapema k'ak'uawẽma, mãɨpari nãɨ ĩjũanepema k'ak'uat'a chi naapemapɨ. Chi naapema k'ak'ua jõk'ari pajãnepema k'ak'ua jitaipɨ.

1 Corintio 2:12

Tachia nãɨ ĩjũanepema k'ɨ̃risiat'a atadaé pasima, mãɨpari Tachi Ak'õre Jaoret'u jitasidama jõma Tachi Ak'õrepa ichi sõpiadepa teada k'awadamẽrá.

1 Corintio 3:1

Ũpẽarã, mɨ mãramá wãside, chi Tachi Ak'õre Jaoredepa nipapataɨrã́ jaratea bɨ jĩra p'ue mãɨyaé pasima. Mãɨpari chi nãɨ k'ak'uapa oo k'ɨ̃ria bɨ jĩra oopataɨrã́ mãɨnepa chi chiwidi Cristode ĩjãanaanarã́ jaratea bɨ jĩra jarateasima.

Santiago 3:15

Mãra k'ɨ̃risiadepa mãɨya k'ɨ̃risia p'anɨpɨra, mãɨ k'ɨ̃risia Tachi Ak'õrenepa chek'ama, mãɨpari nãɨ ĩjũanepa, ẽpẽranepa, mãɨnepa tioredepa cheparima.

1 Juan 2:20

Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Juda 1:19

Mãɨrãpa ũpẽarã ãchi k'ak'awá awara paneepipatama, ãchia ne wawaria k'ɨ̃riautat'a oopatama, mãɨnepa Tachi Ak'õre Jaore uru p'anɨwẽma.