1 Corintio 2:13 - Tachi Ak'õre Pedea

¹³ Ara mãɨ k'orea taipa pedea p'anɨma. Maamina nãɨ ĩjũanepema k'ɨ̃risiadepa pedea p'anɨwẽma, mãɨpari Tachi Ak'õre Jaorepa taiyá jaratea bɨ jĩra pedea p'anɨma. Mãɨya chi Tachi Ak'õre Jaorepa k'awapi bɨt'a taipa jaratea p'anɨma ichia pedeapi bɨ jĩra.

1 Corintio 2:13 ပူးပေါင်းရင်းမြစ်များ

Luca 12:12

Mãra nepɨra ak'ɨutade Tachi Ak'õre Jaorepuru mãrá k'awapiipɨ k'ãre jaradai p'anɨt'a».

Hecho 2:4

Mãɨne Tachi Ak'õre Jaore jitadak'ari, pedea awara pedea para beesima, Tachi Ak'õre Jaorepa ãchi pedeapi badadepa.

1 Corintio 1:17

Cristopa mɨ peé pasima ẽpẽrarã porochoa bamẽrá, mãɨpari peesima chi pedea pia ichi k'orea jarateamẽrá. Nãɨ ĩjũanepema k'ɨ̃risiadepa jarateawẽma, Cristo k'urusude piuda ara ichi pari piuda jĩra beepiemaapa.

1 Corintio 14:2

Chi tachia ũrinak'apɨ́ pedeade pedea bɨpa ẽpẽrarã́ pedea bɨwẽma, ichia jararu mi ãpia pida ũrinak'a pẽra. Aba Tachi Ak'õreapuru pedea bɨma. Tachia k'awadak'ama chi Tachi Ak'õre Jaoredepa chi tachia atua p'anɨ pedea bɨt'a.

1 Corintio 2:1

Ũpẽarã, mɨa Tachi Ak'õre k'orea mãramá jarateade wãside chi minachia k'awapataɨrã pia pedeapataɨ jĩra mɨ k'ɨ̃risiadepa mi ãpia pida jarateaé pasima.

1 Corintio 2:14

Maamina Tachi Ak'õre Jaorepa k'awapi bɨt'a, chi Tachi Ak'õre Jaore nea bɨpa k'awai k'ɨ̃riak'ama, ichimá piawẽa bɨ pẽra. Mãɨnepa p'ue k'awak'ama, Tachi Ak'õre Jaoredepa mãɨ k'awapi bɨ pẽra.

1 Corintio 2:4

Mɨa Jesú k'orea jaratea baside mɨ k'ɨ̃risiadepa mãɨya ooé pasima mãrapa ĩjãanamẽrá. Mãɨpari Tachi Ak'õre Jaorepa ichi jua chaareadepa k'awapisima mãɨ pedea piarãt'a.

1 Corintio 9:11

Ara mãɨ jĩra taipa mãrá Tachi Ak'õre pedea jarateasida pẽra ¿pia bɨwẽk'ãra taipa mãranepa ne jitadait'a?

Ep'esio 5:19

Tachi Ak'õre pedeade bɨ bɨt'a, ũpẽarãpa k'aripataɨ mãɨnepa Tachi Ak'õre Jaorepa k'aripiparí k'arit'ɨ, chi ara machi paara sõpia p'aneepidai k'orea. Tachi Chiparia sõnepa k'arit'ɨ pia pedeadai k'orea.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.