1 Corintio 2:10 - Tachi Ak'õre Pedea

¹⁰ Jõma makɨɨ Tachi Ak'õrepa ichi Jaoredepa tachiá k'awapisima. Ichi Jaorepa nejõma k'awa bɨma. Chi Tachi Ak'õre k'ɨ̃risia sida jõma k'awa bɨma.

1 Corintio 2:10 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 16:17

Jesupa jarasima: —Pɨ sõpia bɨma, Simón, Joná warra. Ẽpẽra abaɨ pida pɨá mãɨ k'awapié pasima, mãɨpari mɨ Ak'õre pajãne bɨpa mãɨ k'awapisima.

Luca 10:21

Mãɨya pedea p'anɨne Jesú Tachi Ak'õre Jaoredepa sõpia nɨbeesima. Mãɨpuru Tachi Ak'õrea nãɨya jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima. Ãjã, Ak'õre, pɨa mãɨya oosima jãɨya oo k'ɨ̃ria bada pẽra.

Luca 2:26

Naena Tachi Ak'õre Jaorepa ichiá k'awapisima ichi k'ĩrawẽai naena Tachi Chiparipa Tachi K'aripaparí teai jarada unuit'a.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

1 Corintio 14:30

Ũpẽa aba pedeamaa bɨde Tachi Ak'õrepa chi ũri p'anɨnepema abaɨa ne unupisira, chi pedea bɨpa mãɨ ũpẽa itu pedeapii bɨma.

1 Corintio 2:11

¿Ẽpẽra k'ɨ̃risiat'a k'aipa k'awa bɨma? Ara ichi tuabapuru k'awa bɨma. Ara mãɨ jĩra mi ãpia pida Tachi Ak'õre k'ɨ̃risia p'ue k'awadawẽma. Aba Tachi Ak'õre Jaorepuru mãɨ k'awa bɨma.

Gálata 1:12

Mãɨ pedea mɨa mi ãpia pida ẽpẽranepa k'awaé pasima. Mi ãpia pida ẽpẽrapa mɨá jarateaé pasima. Mãɨpari Jesucristopa mɨá k'awapisima.

Ep'esio 3:3

Ichia naena k'awapiwẽa bada mɨá k'awapisima. Mãɨ k'orea mɨa nãɨ k'art'ade ãpia bɨsima.

Ep'esio 3:5

Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

1 Timoteo 4:1

Tachi Ak'õre Jaorepa arí jara bɨma nãɨ k'aadeapema ewaride waapẽarãpa Cristode ĩjãa p'anana itu bɨdak'ari jaore mietá seapataɨrã, mãɨnepa ãchia jarateapataɨ ĩjãanaipɨ.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

1 Juan 2:20

Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 2:24

Maamina chi eda mãranepema Tiatira p'uurudepemarãpa chi jãɨ wẽrapa jaratea bɨt'a ĩjãanawẽa p'anɨma. Mãɨ awara mãrapa chi “tiorepa ne mẽra uru bɨade” apataɨ, makɨɨ k'awadayá jɨrɨ p'anɨwẽma. Mɨa waa mãrá waa ne awara oopide peeiwẽma.