1 Corintio 15:52 - Tachi Ak'õre Pedea

⁵² Mãɨya bɨde, tau p'ik'arude, k'aadeapema ãnimara k'achu jĩra jĩk'uarude mãɨne k'ĩra awara p'aneenaipɨ. Piarã Tachi Ak'õre ãnimara k'achu jĩra jĩk'uaipɨ. Mãɨne piudaadarã chi k'ak'ua beraadak'apɨɨde, chok'ae p'irabaridaipɨ. Mãɨnepa tachi wapida chok'ae berã chi k'ak'ua k'ĩra awara p'aneenaipɨ.

1 Corintio 15:52 ပူးပေါင်းရင်းမြစ်များ

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Juan 5:28

Mɨa jara bɨ k'orea k'awa k'ɨ̃risiadawẽa p'anarãt'ɨ. Piarã ewariaba ãarea jãɨrã tede piu beadapa mɨ, chi Ẽpẽra Warra pedea ũriutade,

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

1 Corintio 15:42

Chi piudada chok'ae p'irabaridait'a ne uuda jĩra bɨma. K'ak'ua beraa bɨt'a t'ɨbaripatama maamina k'ak'ua beraak'apɨ́ chok'ae p'irabariipɨ.

1 Corintio 15:50

Ũpẽarã, mɨa nãɨ jararuma: nãɨ ĩjũanepema k'ak'ua Tachi Ak'õre juade p'ue baiwẽma, ichidirã paara. Chi beraaparí k'ak'ua chi beraak'apɨ́ k'ak'uamá p'ue baiwẽma.

1 Tesalonicense 4:15

Mãɨ k'orea Tachi Chiparipa jarada taipa mãrá jarautama: Tachi Chipari cherude tachi, chi wapida chok'ae berã chi piudaadarã naa ichimá wãnaiwẽma.

2 Pedro 3:10

Tachi Chiparipa ɨtɨai ewari paipɨ nechɨaparí chepari jĩra. Mãɨ ewaride ɨbɨa chi jĩk'ua baek'ari pajã wẽpapiipɨ. Nejõma tachia pajãne unupataɨ paawãipɨ. Mãɨnepa nãɨ ĩjũa mãɨnepa nejõma nãɨ ĩjũane be paawãipɨ.

Apocalipsi 8:13

Mãɨne mɨa ɨt'aa ak'ɨside ũrisima nejõpɨ́ ɨt'ɨ wãamarimaa bɨpa jĩk'ua jara bɨt'a: «¡Sõk'achiadaipɨ! ¡Sõk'achiadaipɨ! ¡Sõk'achiadaipɨ! Chi nãɨ ĩjũane tuanurã ẽpẽerã sõk'achiadaipɨ, Tachi Ak'õrepa ɨt'aripa peedaɨrã chi k'aadea ũpea p'anɨpa ãchi ãnimara k'achu chaautade».

Apocalipsi 8:2

Mãɨya nak'ari mɨa chi Tachi Ak'õrepa ɨt'aripa peedaɨrã ichi naa bai nɨp'anɨt'a unusima. Ãnimara k'achu siete ãchiá teasima.