1 Corintio 15:34 - Tachi Ak'õre Pedea

³⁴ Jĩp'a k'ɨ̃risiat'ɨ. Nemietá waa oorãt'ɨ. Chi eda mãranepemarãpa Tachi Ak'õre atua p'anɨma. Mãɨ k'orea mãra p'eradai p'anɨma.

1 Corintio 15:34 ပူးပေါင်းရင်းမြစ်များ

Mateo 22:29

Mãɨpuru Jesupa p'anoosima: —Mãrapa Tachi Ak'õre pedea mãɨnepa ichi jua chaarea bɨ atua p'anɨ pẽra, pia k'ɨ̃risia atua p'anɨma.

Juan 5:14

Mãɨya nak'ari Jesupa ichi Tachi Ak'õre te eda unuside jarasima: —Ũrise: pɨ jɨpa beeda pẽra waa nemietá oorãse pɨ piawẽa bada k'aepẽra atepe wariara piawẽa beepiemaapa.

Juan 8:11

Wẽrapa p'anoosima: —Aba pida, mɨ Chipari. Jesupa jarasima: —Mɨa pida pɨ nepɨra pará bɨade awẽma. Wãse, maamina waa nemietá oorãse.]

Romano 1:28

Ãchia Tachi Ak'õre itu bɨdada pẽra ichia itu bɨsima nemietá k'ɨ̃risiadak'ari, chi tachia oodaiwẽa p'anɨt'a mãɨya oo p'ananamẽrá.

Romano 13:11

Jõma makɨɨ oo p'anat'ɨ, k'awa p'anɨ pẽra nãɨ ewari sãmaasã́ bɨt'a. Ɨ̃rɨmat'ɨ. Waa k'ãi p'anarãt'ɨ. Chi tachi nãɨ ĩjũa nemietaadepema k'aripai k'ait'a bɨma, tachia naa ĩjãanana k'aepẽra.

1 Corintio 4:14

Mɨa mãɨ bɨwẽma mãra p'erapii k'orea. Mãɨpari mɨ warrarã jĩra mãra k'ɨ̃ria bɨ pẽra mãɨya bɨ bɨma jĩp'a k'ɨ̃risiapii k'orea.

1 Corintio 6:5

Mɨa mãɨ jara bɨma mãra p'eradamẽrá. ¿Mãra t'ãena k'ɨ̃risia k'awa bɨ aba pida newẽk'ãra ũpẽarã nepɨrade p'anɨrã́ pia pedeapii k'orea?

1 Corintio 8:7

Maamina waapẽarãpa mãɨ sõnepa k'awadawẽa p'anɨma. Waapẽarã ũpẽarãpa wapida k'ɨ̃risia p'anɨma chi juapa oodada sãdo ãchia naena k'ɨ̃ria p'anana chok'ae p'anasidaɨt'a. Mãɨpuru chi juapa oodada sãdoa k'iuru teada k'osidara k'ɨ̃risiapatama mãɨne ĩjãautat'a. Chi piarã pedea minachia atua p'anɨ pẽra mãɨ k'iuru k'outadepa k'ɨ̃risiapatama Tachi Ak'õre k'ĩrari piawẽa p'aneeutat'a.

Ep'esio 5:14

ɨnaane ãarea unupata pẽra. Mãɨ k'orea nãɨya jarapatama: «Ɨ̃rɨmase pɨ k'ãi bɨ. Nemietaade piu bada p'irabarise. Maapae Cristopa pɨ ɨnaane bɨipɨ».

1 Tesalonicense 4:5

Nãɨ k'ak'uapa nemietá ooyá bɨ oorãt'ɨ Tachi Ak'õrene ĩjãanak'apɨɨrãpa oopata jĩra.