1 Corintio 14:1 - Tachi Ak'õre Pedea

¹ Waapẽarã k'ɨ̃ria p'anapariet'ɨ, mãɨnepa Tachi Ak'õre Jaorepa oopi bɨ jõma oo k'ɨ̃riat'ɨ. Maamina Tachi Ak'õre pari pedeadai atepe k'ɨ̃riat'ɨ.

1 Corintio 14:1 ပူးပေါင်းရင်းမြစ်များ

Romano 12:6

Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

Romano 14:19

Mãɨ k'orea jɨrɨdai p'anɨma ũpẽarã ome ne k'ɨ̃risiawẽa p'ananai k'orea. Mãɨya chi k'aripa p'ananaipɨ pia ĩjãanai k'orea.

Romano 9:30

¿Mãɨpa k'ãre jara bɨma? Judiorãwẽpa jɨrɨdak'a pasima chi Tachi Ak'õre p'uuru jĩp'a bɨ padai k'orea. Maamina mãɨya p'aneesidama Cristode ĩjãanana pẽra.

1 Corintio 12:1

Ũpẽarã, mɨa k'ɨ̃ria bɨma Tachi Ak'õre Jaorepa oopi bɨ k'orea mãrapa minachia k'awadamẽrá.

1 Corintio 12:31

Tachi Ak'õre Jaorepa oopi bɨdepema chi tachi atepe k'aripai bet'a jɨrɨt'ɨ. Naapae mɨa mãrá k'awapiipɨ sãmaasã́ nejõma p'ue atepe pia oo p'ananait'a.

1 Corintio 13:13

Nãɨ ũpea p'anɨ jõk'ama: nejõma pia ĩjãa bai, jõma pia pamẽrá nɨ bai mãɨnepa waapẽarã k'ɨ̃ria bai. Mãɨ ũpeadepema waapẽarã k'ɨ̃ria bai chi atepe piipará bɨma.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 14:22

Mãɨya k'awa p'anɨma chi tachia ũrinak'apɨ́ pedeade pedeait'a chi Jesude ĩjãanak'apɨɨrã paepuru bɨpɨ, mãɨpari chi Jesude ĩjãapataɨrã pae bɨwẽma. Mãɨnepa chi Tachi Ak'õre pari pedeait'a chi Jesude ĩjãapataɨrã pae bɨma, mãɨpari chi Jesude ĩjãanak'apɨɨrã pae bɨwẽma.

1 Corintio 14:37

Abaɨpa Tachi Ak'õre pari pedeaparí k'ɨ̃risia bɨpɨra, wa Tachi Ak'õre Jaoredepa ne oo bɨ k'ɨ̃risia bɨpɨra, mãɨ ẽpẽrapa k'awai bɨma mɨa nãɨ k'art'ade bɨrude Tachi Chiparipa oopi bɨt'a.

1 Corintio 14:39

Mãɨya ũpẽarã, pia jɨrɨt'ɨ Tachi Ak'õre pari pedeadait'a. Mãɨnepa tachia ũrinak'apɨ́ pedeade pedeapataɨrã pedeapit'ɨ.

1 Corintio 16:14

Nejõma mãrapa oouta k'ɨ̃rianepa oot'ɨ.

Ep'esio 1:3

Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma.

1 Tesalonicense 5:20

Tachi Ak'õre pari pedeaparipa jara bɨ itu bɨrãt'ɨ.

1 Timoteo 4:14

Tachi Ak'õrepa pɨá oopi bɨ teada k'ɨ̃risia atuarãse. Ũpẽarã ak'ɨpataɨrãpa ãchi jua pɨ ɨ̃rɨ bɨsidaɨde Tachi Ak'õrenepa jarasidama ichia mãɨ tearut'a.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

3 Juan 1:11

Ũpẽa Gayo, nemietá oopataɨrã jĩra barãse mãɨpari pia oopataɨrã jĩra base. Chi pia ooparí Tachi Ak'õrenepɨ, maamina chi nemietá ooparipa Tachi Ak'õre atua bɨma.