1 Corintio 13:7 - Tachi Ak'õre Pedea

⁷ Chi waapẽarã k'ɨ̃ria uru bɨpa waapẽarãpa piawẽa oodada jõma choaparima, ne ãarea pia ĩjãaparima, chi abaɨpa nejõma pia oomẽrá nɨparima, mãɨnepa ne ãareaɨne choa baparima.

1 Corintio 13:7 ပူးပေါင်းရင်းမြစ်များ

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Marco 9:23

Mãɨne Jesupa jarasima: —Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.

Romano 15:1

Tachia ĩjãa p'anɨ k'orea minachia k'awa berãpa tachia k'ɨ̃ria p'anɨ k'aepẽra, chi pia atua k'ede k'aripadai p'anɨma.

Romano 8:24

Tachi Ak'õrepa tachi k'aripada pẽra mãɨ nɨ p'anɨma. Chi tachia nɨ p'anɨt'a waidi nea p'anɨma. Uru badapara ¿k'ãre k'orea nɨ p'ananai p'anɨma? ¿K'aipa ichia uru bɨt'a, atai k'orea nɨ baima?

1 Corintio 13:4

Chi waapẽarã k'ɨ̃ria uru bɨpa jõma choa bɨma, waapẽarã k'ĩra chupuriaparima, abaɨpa uru bɨt'a uru bai k'ɨ̃riak'ama, waapẽarã k'aepẽra atepe pia bɨade ak'ama mãɨnepa mãɨya bɨ jĩra k'ɨ̃risiak'ama.

1 Corintio 9:12

Waapẽarã jarateapataɨrãpa mãranepa ne jitadai p'anɨpɨra, taipa ãchi k'aepẽra ne atepe jitadai p'anɨma. Maamina ne ididak'ama. Mãɨpari jõma choa p'anɨma ẽpẽrarãpa chi pedea pia Cristo k'orea piawẽa k'ɨ̃risiapidaemaapa.

Gálata 6:2

Nepɨrade p'anɨne chi k'aripat'ɨ. Mãɨya Cristopa oopi bɨt'a mãrapa jõma oodaipɨ.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

2 Timoteo 2:24

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.