1 Corintio 13:3 - Tachi Ak'õre Pedea

³ Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 13:3 ပူးပေါင်းရင်းမြစ်များ

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 18:28

Mãɨne Pedropa jarasima: —Taipa ne ãarea ameesidama pɨ ome wãnai k'orea.

Luca 19:8

Ichi tiida padak'ari Zak'eo Jesú k'ĩrari bai nɨbeek'ari jarasima: —Mɨ Chipari, nenea k'ederã́ mɨa erreara mãɨnepa neet'á uru bɨdepema ak'ɨk'ari, abarik'a teaipɨ. Mãɨ awara erreara aba sea chɨa badapɨra, mãɨ aba chɨada pari bari k'ak'o k'ĩmari teaipɨ.

Juan 12:43

Tachi Ak'õrepa ãchi k'orea pia pedeai k'aepẽra mãɨ judiorãpa k'ɨ̃ria p'anasidama ẽpẽerãpa ãchi k'orea pia pedeadait'a.

Juan 13:37

Pedropa idisima: —Tai Chipari, ¿k'ãre k'orea mɨ pɨ ome p'ue wãiwẽma? Mɨ pɨ k'orea piui bɨma.

Juan 15:13

Ẽpẽra minachia k'ɨ̃ria bɨdepa ichi k'õp'ãero k'orea piui bɨma. Mãɨ k'aepẽra p'ue chi ẽpẽra atepe k'ɨ̃riai bɨt'a newẽma.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Gálata 5:26

Waapẽarã k'aepẽra pia be k'ɨ̃risiadaiwẽa p'anɨma, k'ĩruu pedea tuananaiwẽa p'anɨma, mãɨnepa abaɨpa uru bɨ k'orea piawẽa k'ɨ̃risiadaiwẽa p'anɨma.

P'ilipense 2:3

Waapẽarã k'aepẽra atepe pia be k'ɨ̃risia p'anɨnepa mi ãpia pida oorãt'ɨ. Mãɨnepa oorãt'ɨ mãra paepuru pia p'ananai k'orea. Mãɨpari k'ɨ̃risiat'ɨ waapẽarã mãra k'aepẽra atepe pia berã.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.