1 Corintio 13:2 - Tachi Ak'õre Pedea

² Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 13:2 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 21:19

Mãɨne higojõ bɨɨrɨ ok'á nɨbɨ unusima. Maamina ará wãside chi k'irúawa nɨbɨ unusima. Mãɨpuru higojõ bɨɨrɨa jarasima: —¡Pɨ waa chauwẽa baipɨ! Ara mãɨne higojõ bɨɨrɨ p'urpasima.

Mateo 21:21

Jesupa p'anoosima: —Mɨa piarã jararuma: piarã Tachi Ak'õrepa mãrapa idi p'anɨ p'ue ooyade a k'ɨ̃risia p'anɨpɨra, mãɨnepa ichia p'ue ooiwẽane a p'anɨwẽpɨra, mɨa jãɨ higojõ bɨɨrɨ ooda k'aepẽra mãrapa atepe oodaipɨ. Mãrapa cha bɨ eyá ãyá wãpade adaipɨra mãɨnepa p'usadea eda baewãpade adaipɨra, ara mãɨya baewãipɨ.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Corintio 11:4

Ũpẽarã ará jere nɨbeeutade ɨmɨk'ĩra chi porode ne jɨ̃k'ari Tachi Ak'õrea ɨt'aa chiidiipɨra wa Tachi Ak'õre pari pedeaipɨra, ichi Chipari Cristo wap'eawẽa bɨt'a unupi bɨma.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

1 Corintio 13:1

Mɨ nãɨ ĩjũanepemarã pedeade pedeaipɨra mãɨnepa Tachi Ak'õrepa ɨt'aripa peeda pedeade pedeaipɨra, mãɨne waapẽarã ẽpẽrarã k'ɨ̃riak'apɨra, mɨ jiorro ooda jĩk'uapari jĩra wa k'ãp'ãna jĩk'uapari jĩra bɨma.

1 Corintio 13:3

Nejõma mɨa uru bɨ chi nenea k'edea teaipɨra mãɨnepa Tachi Ak'õre k'orea ara mɨ k'ak'ua t'ɨpɨde paateapiipɨra, maamina waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 13:8

Tachi ẽpẽerã k'ɨ̃ria ua bai k'orea ewari jõ bak'ama. Maamina ewari aba chi Tachi Ak'õre pari pedeapataɨrãpa waa pedeadaiwẽma, tachia ũrinak'apɨ́ pedeade pedeapataɨrãpa waa pedeadaiwẽma, Tachi Ak'õre Jaoredepa k'awadada jarateapataɨrãpa waa jarateadaiwẽma.

1 Corintio 14:29

Ara mãɨ jĩra Tachi Ak'õre pari pedeapataɨ ume wa ũpea pedeadai p'anɨma. Mãɨne jõmãɨrãpa ãchia pedea p'anɨ jĩrak'aua ũrinai p'anɨma piarã k'awadai k'orea.

1 Corintio 14:39

Mãɨya ũpẽarã, pia jɨrɨt'ɨ Tachi Ak'õre pari pedeadait'a. Mãɨnepa tachia ũrinak'apɨ́ pedeade pedeapataɨrã pedeapit'ɨ.

1 Corintio 14:4

Chi tachia ũrinak'apɨ́ pedeade pedea bɨpa ara ichi k'aripa bɨma, pia ĩjãai k'orea. Maamina chi Tachi Ak'õre pari pedea bɨpa ũpẽarãt'u k'aripa bɨma pia ĩjãanamẽrá.

1 Corintio 15:51

Ũrit'ɨ. Tachi Ak'õrepa naena k'awapiwẽa bada mɨa k'awapiipɨ: tachi jõma piudaiwẽma, mãɨpari chi k'ak'ua k'ĩra awara p'aneenaipɨ.

1 Corintio 16:22

Parituapa Tachi Chipari Jesucristo k'ɨ̃riawẽpɨra, Tachi Ak'õrepa mãɨ ẽpẽra nepɨra paraayade aipɨ. ¡Chese, Tachi Chipari!

1 Corintio 4:1

Mãɨya bɨde mãrapa k'ɨ̃risiadai p'anɨma tai Cristo pae pari mimiapataɨrãt'a. Tachi Ak'õrepa tai bɨsima chi ichi k'orea naena k'awapiwẽa bada jarateadamẽrá.

1 Corintio 7:19

K'ak'ua tauchaa bai atepe pia bɨwẽma. K'ak'ua tauchaawẽa bai sida atepe pia bɨwẽma. Tachi Ak'õrepa oopi bɨ pedea oo bai pia bɨma.

1 Corintio 8:4

Mãɨpuru chi juapa oodada sãdorã́ k'iuru teada k'odai k'orea mɨa jararuma. Tachia k'awa p'anɨma chi juapa oodada sãdo piarãwẽt'a. Mãɨnepa k'awa p'anɨma Tachi Ak'õre piarã abapuru bɨt'a.

2 Corintio 12:11

Mɨ k'ɨ̃risia newẽa bɨ jĩra ara mɨchi k'orea pia pedea bɨma, maamina mãrapuru mɨ mãɨya pedeapisidama. Mãrapa mɨ k'orea pia pedeadai p'anɨmina pia pedeadawẽa p'anɨma. K'ɨ̃risia p'anɨma jãɨrã Jesucristopa peedaɨrã apataɨrã chi atepe p'anɨt'a. Mɨ chi atepewẽmina ãchi k'aepẽra k'aepea bɨwẽma.

Gálata 5:16

Mãɨ k'orea mɨa jararuma: Tachi Ak'õre Jaoredepa nipat'ɨ. Mãɨyaipɨra mãra k'ak'uapa nemietá oo k'ɨ̃ria bɨt'a oodaiwẽma.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Gálata 6:3

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma.

Ep'esio 3:4

Nãɨ k'art'a eda jara p'anɨne mãrapa k'awadaipɨ Tachi Ak'õrepa Cristo k'orea k'awapiwẽa bada mɨa k'awa bɨt'a.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

Colosense 1:26

Mãɨ pedea chõarãenapema ewaride Tachi Ak'õrepa k'awapiwẽa basima, maamina idiapae mãɨ ichi ẽpẽrarã́ k'awapisima.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Juan 4:8

Tachi Ak'õrepa ne ãareaɨne k'ɨ̃ria bɨ pẽra mãɨ chi abaɨ k'ɨ̃riawẽa bɨpa Tachi Ak'õre atua bɨma.