1 Corintio 12:6 - Tachi Ak'õre Pedea

⁶ Tachi Ak'õre aba bɨpa tachiá ne wawaria oopi bɨma. Ichiapuru tachidepa mãɨ jõma ooparima.

1 Corintio 12:6 ပူးပေါင်းရင်းမြစ်များ

Juan 5:17

Maamina Jesupa ãchiá jarasima: —Mɨ Ak'õre wapida ɨ̃apaawẽa mimiaparima mãɨnepa mɨ sida ɨ̃apaawẽa mimiaparima.

1 Corintio 12:11

Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

1 Corintio 12:5

Tachi Chipari aba bɨ pae ne wawaria oopatama.

1 Corintio 15:28

Tachi Ak'õre Warra Cristopa nejõma p'uek'ari ara ichi Tachi Ak'õre juade beeipɨ Tachi Ak'õrepa nejõma ichi juade bɨda jĩra. Mãɨya Tachi Ak'õrepa nejõma ichi juade ua baipɨ.

1 Corintio 3:7

Mãɨpuru chi ne uuparí chi atepe bɨwẽma. Chi pania p'oparí sida chi atepe bɨwẽma. Tachi Ak'õret'u chi atepe bɨpɨ. Ichiapuru ne uu ĩjũa waripiparima.

Ep'esio 4:6

Tachi Ak'õre abapuru bɨma. Ichi jõmãɨrã Ak'õrepɨ, jõmãɨrã Chiparipɨ. Jõmãɨrã sõne bɨma mãɨnepa jõmãɨrãnepa ichia oo k'ɨ̃ria bɨt'a ooparima.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.