1 Corintio 11:3 - Tachi Ak'õre Pedea

³ Maamina mɨa k'ɨ̃ria bɨma mãrapa k'awadai Cristo chi ɨmɨk'ĩira ãarea Chiparipɨ, chi ɨmɨk'ĩra chi wẽra chiparipɨ, mãɨnepa Tachi Ak'õre Cristo Chiparipɨ.

1 Corintio 11:3 ပူးပေါင်းရင်းမြစ်များ

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Juan 14:28

Mɨa mãrá jarasima mɨ wãrut'a mãɨnepa mãicha mãramá cheit'a. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá.

1 Corintio 3:23

Jõma mãra Cristoderãpɨ. Mãɨnepa Cristo Tachi Ak'õrenepɨ.

Ep'esio 4:15

Mãɨpari k'ɨ̃rianepa chi piarã pedea ĩjãanai p'anɨma ne ãareaɨne Tachi Chipari Cristo jĩra p'ananai k'orea.

Colosense 1:18

Cristo ichi ẽpẽrarã chiparipɨ. Ichidepa ãchi p'anɨma. Ichi ewaricha chok'ae bai k'orea naa chok'ae p'irabarisima. Mãɨpuru ne ãarea k'aepẽra chi atepe bɨma.

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 2:19

Ãchi Tachi Chipari Cristo ome p'anɨwẽma. Maamina Cristo ẽpẽrarãpa ichidepa nejõma uru p'anɨma ichi ome ará pia p'ananai k'orea. Ichidepa tachi waripatama Tachi Ak'õrepa waripi bɨ jĩra.

Colosense 3:18

Wẽrarã, mãra k'ima pedea ũrit'ɨ. Tachi Chipari Jesú ome p'anɨ pẽra mãɨya oodai p'anɨma.

1 Pedro 3:1

Mãra wẽra k'ima pará berã, mãra k'ima pedea ũrit'ɨ. Mãɨya chi eda wẽerã k'imanepemarãpa Tachi Ak'õre pedea ĩjãanawẽa p'anɨmina mãra jĩp'a be mãɨnepa Tachi Ak'õre wap'ea be ununak'ari ĩjãanaipɨ. Mãrapa ãchiá ĩjãanamẽrá jaradawẽmina, pia oo p'anɨ k'orea ĩjãapidaipɨ.