1 Corintio 11:19 - Tachi Ak'õre Pedea

¹⁹ Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ.

1 Corintio 11:19 ပူးပေါင်းရင်းမြစ်များ

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Tito 3:10

Abaɨpa ũpẽarã́ k'ĩruu pedeapisira, ichi ɨtɨase waa mãɨya oopiemaapa. Ichia ĩjãawẽpɨra, mãicha ɨtɨase. Mãɨne waidi ĩjãawẽpɨra, ichi ome barãse.

Hecho 20:30

Ara machidepemarã pida sea jarateadaipɨ Jesude ĩjãapataɨrã ãyá wãnamẽrá.

Luca 17:1

Jesupa ichi ome p'ɨrrɨapataɨrã́ jarasima: «Ẽpẽra nemietaade baepipataɨrã paraapɨ. Mãɨ ewaricha mãɨya baipɨ maamina chi waapẽarã́ nemietá oopiparí, mãɨ mĩa chupuri baipɨ.

Mateo 18:7

¡Chi waapẽarã́ nãɨ ĩjũanepemarã nemietá oopipataɨrã ãchi chupuria p'ananaipɨ! Mãɨrã paraapɨ, maamina chi waapẽarã́ nemietá oopiparí, mãɨ mĩa chupuri baipɨ.

Gálata 5:20

juapa oodada sãdoa ɨt'aa chiidipataɨ, jaipanarãpa oopataɨ, waapẽarã unuemaapataɨ, k'ĩruu pedeapataɨ, waapẽarãné uru p'ananai k'ɨ̃riapataɨ, ɨ̃apachia k'ĩruupataɨ, waapẽarã k'aepẽra atepe pia p'ananayá jɨrɨpataɨ, ãchi k'ɨ̃risia k'ak'awá k'ɨ̃risia p'anapataɨ, Tachi Ak'õre pedea k'ĩra awara jaratea p'anɨnepa awara wãpataɨ,

Hecho 28:22

Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.

Hecho 26:5

Ãchia k'awa p'anɨma mɨ p'ariseopɨ. Parituapa mãɨ pɨ k'ĩrari jara k'ɨ̃ria bɨpɨra, mãɨ jarai bɨma. Pɨa k'awa bɨma Moisepa bɨda ũrinai k'orea p'ariseorãpa jĩrak'aua oopataɨ.

Hecho 24:14

Maamina mɨa pɨá nãɨ jararuma: mɨa tai chõarãenapemarã Tachi Ak'õrene ĩjãa bɨpɨ. Mɨ chi O Chiwidi apataɨdepemapɨ. Ãchia mãɨ O Chiwidi seade apatama maamina mɨa Moisepa bɨda mãɨnepa Tachi Ak'õre pari pedeapataɨrãpa bɨdada ãarea ĩjãa bɨma.

Hecho 24:5

Taipa k'awa p'anɨma nãɨ ẽpẽra nepɨra pará baparit'a. Ãarea nãɨ ĩjũane judiorã k'ĩruupik'apiparima. Ichi chi Nazaredepema chi poro chaarea bɨpɨ.

Hecho 15:5

Maamina waapẽarã p'ariseorã Jesude ĩjãapataɨrãpa bai nɨp'aneenak'ari jarasidama: —Chi ũpẽarã judiorãwẽ k'ak'ua tauchaadai p'anɨma. Ãchirã́ jarateadai p'anɨma Moisepa bɨda ĩjãanamẽrá.

Hecho 5:17

Chi p'aare minachia k'awa bɨ mãɨnepa saduceorã chi ichi paara p'anana sõk'achia p'aneesidama.

Luca 2:35

Mãɨya chok'araɨrãpa ãchi sõne mẽra uru be unupiipɨ. Ichiaba pɨ minachia sõp'ua baipɨ k'ĩruuparí nek'opa su bɨ jĩra.

1 Corintio 11:20

Mãra ará jere nɨbeeutade chi Tachi Chipari k'ɨ̃risiadai k'orea k'opataɨ k'odai k'orea, k'ĩra jĩp'a k'odak'ama.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.