1 Corintio 10:20 - Tachi Ak'õre Pedea

²⁰ Maamina chi Tachi Ak'õrene ĩjãanak'apɨɨrãpa ne k'iuru ãchi sãdorã́ teautade piarã jaore mietaarã́ tea p'anɨma. Tachi Ak'õrea tea p'anɨwẽma. Mãrapa mãɨ k'iuru k'odaipɨra, unupidaipɨ jaore mietade ĩjãa p'anɨt'a. Mɨa mãɨ k'ɨ̃riawẽma.

1 Corintio 10:20 ပူးပေါင်းရင်းမြစ်များ

Mateo 4:9

Maapae tiorepa jarasima: —Pɨ mɨ naa sĩraporode k'obeeipɨra mãɨnepa mɨá pia pedeaipɨra, nãɨ ãarea mɨa pɨá teaipɨ pɨ juade uru bamẽrá.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Gálata 4:8

Naena mãrapa Tachi Ak'õre atua p'anasidaɨde chi piarãwẽ ak'õrene ĩjãa p'anasidama, ãchi pae pari mimiapataɨrã jĩra.

Apocalipsi 2:14

Maamina mɨa mãra k'orea ne ãpia jarai bɨma. Eda waapẽarã mãranepemarãpa Balaampa jarateada ũri p'anɨma. Balaampa Balác jarateasima sãmaasã́ israel ĩjũanepemarã nemietaade baepiit'a. Juapa oodada sãdorã́ ne k'iuru teada k'opipachima mãɨnepa chi k'ak'uadepa nemietá oopipachima.

Apocalipsi 2:20

Maamina mɨa mãra k'orea ne ãpia jarai bɨma. Chi wẽra Jezabel apataɨpa sea jaratea bɨt'a mãrapa mãɨa itu jarateapi p'anɨma. Ara ichia Tachi Ak'õre pari pedeapariade aparima. Maamina ichia jaratea bɨdepa chi mɨ pae pari mimiapataɨrã seaparima k'ak'uadepa nemietaade nipadamẽrá mãɨnepa ne k'iuru juapa oodada sãdorã́ teada k'odamẽrá.

Apocalipsi 9:20

Chi ẽpẽerã mãɨ mãɨya badadepa piudadawẽpa wapida ãchia nemietá oodai mãɨnepa tiorerãne ĩjãanai itu bɨdaé pasima. Juapa oodada sãdo itu bɨdaé pasima: chi nee ooda, p'arat'a ooda, bronce ooda, mawara ooda mãɨnepa pak'uru ooda mãɨrã ãarea itu bɨdaé pasima. Mãɨrã ãstu ununak'ama, ũrinak'ama, mãɨnepa wãnak'ama.