1 Corintio 10:16 - Tachi Ak'õre Pedea

¹⁶ Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

1 Corintio 10:16 ပူးပေါင်းရင်းမြစ်များ

Luca 22:17

Maapae pasu jitak'ari Tachi Ak'õrea mɨ sõpia bɨade a jarak'ari nãɨya jarasima: —Nãɨ tot'ɨ.

Hecho 2:42

Chi Jesupa peedaɨrãpa jaratea p'anɨt'a ãchia minachia ũripachidama. Ará tuanapachidama, nek'opachidama mãɨnepa Tachi Ak'õrea ɨt'aa chiidi p'anapachidama.

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

Hecho 20:11

Pablo mãicha tede eda wãk'ari chi Tachi Chiparidepema k'ɨ̃risiapataɨ nek'opataɨ k'odai k'orea ãchi ome k'osima. Maapae ãsaparudea mãicha pedea bak'ari wãsima.

Hecho 20:7

Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea. Mãɨne Pablopa jaratea basima. Norema wãi bɨ pẽra waa teamasi estarik'a pedeasima.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

1 Corintio 10:15

Mɨa mãrá pedearuma k'ɨ̃risia k'awa berã́ pedearu jĩra. Minachia k'ɨ̃risiat'ɨ mɨa jara bɨt'a piarã wa sea k'awadai k'orea.

1 Corintio 12:13

Chi eda tachidiidepemarã tachi judiorãpɨ, chi eda tachidiidepemarã judiorãwẽpɨ, chi eda tachidiidepemarã chi chipari pae pari mimiapataɨrãpɨ, chi eda tachidiidepemarã chi chipari pae pari mimiapataɨrãwẽpɨ. Maamina chi ara Tachi Ak'õre Jaore aba bɨpa tachi jõmãɨrã k'ak'ua aba bɨde bɨsima. Jõma tachia chi Jaore abarik'a bɨ jitasidama.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.