1 Corintio 10:11 - Tachi Ak'õre Pedea

¹¹ Jõma ãchi mãɨyanapa unupi bɨma sãmaasã́ Tachi Ak'õrepa chi nemietá ɨtɨaparit'a. Mãɨ Tachi Ak'õre pedeade bɨ bɨma, tachi nãɨ k'aadea ewaridepemarãpa ara mãɨ jĩra oopidaemaapa.

1 Corintio 10:11 ပူးပေါင်းရင်းမြစ်များ

Mateo 13:39

Chi nek'ĩramá, mãɨpa ne uu mietá uuda jara k'ɨ̃ria bɨma tiore mietapɨ. Chi ne uu ĩjũa chaudai ewari jara k'ɨ̃ria bɨma nãɨ jõi ewari. Chi ne uu ĩjũa chauparí ewari mimiapataɨrã jara k'ɨ̃ria bɨma Tachi Ak'õrepa ɨt'aripa peedarã.

Mateo 13:40

Ne uu mietá ẽut'aak'oadak'ari paapataɨ jĩra nãɨ ewaride ne mãɨyaipɨ.

Romano 13:11

Jõma makɨɨ oo p'anat'ɨ, k'awa p'anɨ pẽra nãɨ ewari sãmaasã́ bɨt'a. Ɨ̃rɨmat'ɨ. Waa k'ãi p'anarãt'ɨ. Chi tachi nãɨ ĩjũa nemietaadepema k'aripai k'ait'a bɨma, tachia naa ĩjãanana k'aepẽra.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Romano 4:23

Chi Tachi Ak'õre pedeade mãɨya bɨ bɨt'a ichi paepuru bɨé pasima.

1 Corintio 10:6

Mãɨ ewaride mãɨyanapa tachiá k'awapi bɨma nemietá k'ɨ̃rianaiwẽa p'anɨ, ãchia k'ɨ̃rianana jĩra.

1 Corintio 7:29

Ũpẽarã, mɨa nãɨ jara k'ɨ̃ria bɨma: nãɨ ewari jõpodoruma. Mãɨ k'orea naapae chi ũpẽarã k'ima uru berãpa Tachi Ak'õre ode wã p'anɨt'a itu bɨdaiwẽa p'anɨma ãchi k'ima ome p'ananai k'orea. Mãɨpari chi k'ima nea bɨ jĩra p'ananai p'anɨma.

1 Corintio 9:10

¿Tachi k'orea pida k'ɨ̃risia basiwẽk'ãra? Piarã tachi k'orea Tachi Ak'õrepa mãɨ Moisepa bɨda teasima. Chi net'a tau uuparí mãɨnepa chi baaparí mimiapatama ãchia mãɨnepema uru p'ananai k'awa p'anɨ pẽra.

Gálata 4:24

Chi mãɨ bɨda ne jara bɨdapa nãɨya ũripii bɨma: Tachi Ak'õrepa pedea auda ume p'anɨma. Mãɨ pedea auda ume p'anɨt'a Sara mãɨnepa Agar jĩra p'anɨma. Tachi Ak'õrepa pedea auda aba Sinaí eyade teasima. Mãɨ pedea auda, chi chipari pae pari mimiaparí wẽra Agar jĩra bɨma, chi mãɨ pedea auda ĩjãa berã chipari pae pari mimiapataɨrã jĩra p'anɨ pẽra.

P'ilipense 4:5

Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Hebreo 10:37

Tachi Ak'õre pedeade nãɨya bɨ bɨma: «Chi chei bɨ tãaraawẽa bɨde cheipɨ. Piarã tãaraaiwẽma.

1 Juan 2:18

Mɨ warrarã, nãɨ ewari jõpodoruma. Mãrapa ũrisidama Cristo nek'ĩramá cheit'a. Mãɨnepa minachia Cristo nek'ĩramaarã nɨbɨma. Mãɨpuru tachia k'awa p'anɨma nãɨ ewari jõpodorut'a.