1 Corintio 10:10 - Tachi Ak'õre Pedea

¹⁰ Sõpiawẽa p'anɨnepa Tachi Ak'õre k'orea k'achia pedearãt'ɨ waapẽarã ãchidiidepemarãpa oodada jĩra. Mãɨ k'orea Tachi Ak'õrepa ɨt'aripa peeda chi tachi ãarea k'enaparipa ãchi ãarea piupisima.

1 Corintio 10:10 ပူးပေါင်းရင်းမြစ်များ

Hecho 12:23

Maamina Herodepa Tachi Ak'õrea pia pedeaé pasima. Ara mãɨne chi Tachi Chiparipa ɨt'aripa peedapa ichi k'ɨdade beepisima. Maapae ichi p'ip'it'apa k'ok'ari, piusima.

P'ilipense 2:14

Waapẽarã k'orea k'achia pedeadawẽa mãɨnepa k'ĩruu pedeadawẽa jõma oot'ɨ.

Hebreo 11:28

Moisepa Tachi Ak'õrene ĩjãa bada pẽra israel ĩjũanepemarã Egitodepa wãnana k'ɨ̃risiapataɨ ewari oopisima. Mãɨne techa chi eda wãpataɨ ik'idá oapa p'ɨrɨpik'oasima chi peaparipa ãchi warrarã chi ɨmɨk'ĩra warra naapemarã peapiemaapa.

Juda 1:16

Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.

Apocalipsi 16:1

Mãɨne chi abaɨpa chi Tachi Ak'õre te pajãne bɨdepa jĩk'ua pedea bɨt'a mɨa ũrisima. Chi Tachi Ak'õrepa ɨt'aripa peedaɨrã siete p'anɨa nãɨya jarasima: «Chi p'arat'u jãjoa siete p'anɨne ne eda be weade wãt'ɨ ĩjũanea, Tachi Ak'õre k'ĩruupi bɨdepa nãɨ ĩjũa ɨtɨait'a mãɨya unupidai k'orea».