1 Corintio 10:1 - Tachi Ak'õre Pedea

¹ Ũpẽarã, mɨa k'ɨ̃ria bɨma mãrapa Moisé ewaride mãɨyana k'ɨ̃risia atuadawẽt'a. Mãɨ ewaride jõma tachi chõarãenapemarã Moisé ome p'ɨrrɨadada Tachi Ak'õrepa peeda jɨ̃ara ek'ari nipasidama mãɨnepa P'usa P'urea bɨ k'ĩaria wãsidama.

1 Corintio 10:1 ပူးပေါင်းရင်းမြစ်များ

Juan 4:20

Tai chõarãenapemarãpa nãɨ eyade Tachi Ak'õrea pia pedeapachidama, maamina mãra judiorãpa jarapatama Jerusalenepuru ichiá pia pedeadai p'anɨma. ¿Sãma wãnai p'anɨma Tachi Ak'õrea pia pedeadai k'orea?

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 11:21

Judiorãpa ĩjãanawẽa p'anɨ k'orea Tachi Ak'õrepa ãchi itu bɨsima pak'uru jua t'ɨat'uru jĩra. Ara mãɨ jĩra mãra judiorãwẽpa ĩjãanaepɨra, Tachi Ak'õrepa mãra sida itu bɨipɨ.

Romano 4:11

Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.

1 Corintio 12:1

Ũpẽarã, mɨa k'ɨ̃ria bɨma Tachi Ak'õre Jaorepa oopi bɨ k'orea mãrapa minachia k'awadamẽrá.

1 Corintio 14:38

Abaɨpa mãɨ itu bɨipɨra, ichi sida itu bɨt'ɨ.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Hebreo 11:29

Tachi Ak'õrene ĩjãa p'anana pẽra israel ĩjũanepemarã P'usa P'urea bɨ Tachi Ak'õrepa chi to o ewaside ãchi mãɨne p'õesã́ wãsidama. Maamina Egitodepemarã ara mãɨ jĩra ode wãutade ãarea todepa piusidama.