1 Corintio 1:5 - Tachi Ak'õre Pedea

⁵ Jesucristo ome p'anɨ pẽra Tachi Ak'õrepa mãrá jõma teasima pia oodamẽrá. Ichi pedea p'ue k'awa jaratea p'ananaipɨ mãɨnepa ichi k'orea p'ue minachia k'awa p'ananaipɨ.

1 Corintio 1:5 ပူးပေါင်းရင်းမြစ်များ

Hecho 2:4

Mãɨne Tachi Ak'õre Jaore jitadak'ari, pedea awara pedea para beesima, Tachi Ak'õre Jaorepa ãchi pedeapi badadepa.

Romano 11:12

Judiorãpa Cristo itu bɨdada pẽra ãchi k'aepẽra Tachi Ak'õrepa jõma nãɨ ĩjũanepema judiorãwẽ minachia k'aripa bɨma. Mãɨpuru chi judiorã mãicha Tachi Ak'õre ome pia p'aneeuta ewaride ¿Tachi Ak'õrepa jõmãɨrã pia k'aripaiwẽk'ãra?

Romano 15:14

Ũpẽarã, mɨa k'awa bɨma mãrapa piarã pia oo p'anɨt'a mãɨnepa minachia k'awa p'anɨ pẽra machit'u p'ue chi jaratea p'ananait'a.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

1 Corintio 12:10

Mãɨnepa Tachi Ak'õre Jaorepa chi eda tachidiidepemarã́ tea bɨma ẽpẽerãpa ne p'ue oodak'apɨ́ p'ue oodamẽrá. Chi eda tachidiidepemarã́ tea bɨma ãchi p'ue Tachi Ak'õre pari pedeadamẽrá. Chi eda tachidiidepemarã́ tea bɨma p'ue k'awadamẽrá abaɨpa Tachi Ak'õre Jaoredepa pedea bɨ wa jaore mietaadepa pedea bɨ. Mãɨnepa chi eda tachidiidepemarã́ tea bɨma wawaria tachia ũrinak'apɨ́ pedeade pedeadamẽrá. Mãɨnepa chi eda tachidiidepemarã́ tea bɨma tachia ũrinak'apɨ́ pedeade jaradat'a k'awa jaradamẽrá.

1 Corintio 12:8

Tachi Ak'õre Jaorepa chi eda tachidiidepemarã́ tea bɨma ichi k'ɨ̃risiadepa p'ue pedeadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ichidepa k'awadada p'ue jarateadamẽrá.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

1 Corintio 13:8

Tachi ẽpẽerã k'ɨ̃ria ua bai k'orea ewari jõ bak'ama. Maamina ewari aba chi Tachi Ak'õre pari pedeapataɨrãpa waa pedeadaiwẽma, tachia ũrinak'apɨ́ pedeade pedeapataɨrãpa waa pedeadaiwẽma, Tachi Ak'õre Jaoredepa k'awadada jarateapataɨrãpa waa jarateadaiwẽma.

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

1 Corintio 8:11

Mãɨya chi nejõma k'oi bɨ k'awa bɨpa chi minachia atua bɨ ũpẽa, chi mãɨ k'orea Cristo piusit'a, ichide ĩjãa bɨ itu bɨpiipɨ.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

2 Corintio 8:7

Mãrapa ne ãareaɨne minachia pia oo p'anɨma: Jesude minachia ĩjãa p'anɨma, minachia pedea k'awa p'anɨma, Tachi Ak'õrenepa minachia ne k'awa p'anɨma, Tachi Ak'õrepa k'ɨ̃ria bɨ jĩra minachia oo k'ɨ̃ria p'anɨma mãɨnepa tai minachia k'ɨ̃ria p'anɨma. Mãɨpuru mãrapa machi sõpiadepa erreara jɨrɨp'e p'anɨ minachia teat'ɨ.

2 Corintio 9:11

Piarã Tachi Ak'õrepa mãrá nejõma minachia teaipɨ waapẽarã sõpiadepa p'ue k'aripadamẽrá. Maapae mãrapa tai ome erreara tea peeuta k'orea ũpẽarãpa Tachi Ak'õrea sõpia bɨade adaipɨ.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

Colosense 2:3

Ichiapuru Tachi Ak'õre k'ɨ̃risiat'a k'ɨ̃risiapiipɨ mãɨnepa ne minachia k'awapiipɨ. Mãɨ k'ɨ̃risiat'a mãɨnepa ne k'awa p'anɨt'a minachia pia p'anɨma.

Colosense 3:10

Neet'á chiwidi jɨ̃uta jĩra mãra chiwidi p'aneesidama ara Tachi Ak'õre jĩra p'ananamẽrá. Mãɨ awara mãra pia oopodoutama ichi jĩra p'aneenamẽrá mãɨnepa ichi pia k'awadamẽrá.

Santiago 3:13

Mãra k'ɨ̃risia k'awa berã mãɨnepa ne k'awa berã k'ɨ̃risia p'anɨpɨra, pia nipapataɨdepa unupit'ɨ piarã mãɨya bet'a. Chi atepe k'ɨ̃risiadawẽa k'ɨ̃risiadepa pia oodai p'anɨma.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.